樓價易升難跌 用家入市態度積極 50指標屋苑周末預約睇樓量升3.5%

在一手市場高漲的氣氛帶領下，二手市場屢見創新高價成交，而同時買家亦相信短期內樓價易升難跌，故積極搵盤入市，並向相對低水的屋苑進發。根據利嘉閣地產研究部數據估算，全港50個指標屋苑共錄1,620組客戶於本周末預約睇樓，按周上升3.5%，連升3周。樓價持續上升，用家不敢怠慢，務求盡快置業上車，故相信可以為樓市繼續帶來動力，然而，由於復活節長假期將至，未來一兩個星期50屋苑預約睇樓量及交投量或會受到影響。

按地區劃分，三區的預約睇樓量全線造好，當中九龍區升幅最勁，21個指標屋苑未來兩日暫錄565組客戶預約睇樓，按周增加5.6%。利嘉閣地產黃埔二行(A組)聯席董事余美寶表示，最近黃埔花園睇樓人流保持暢旺，但由於業主反價封盤的情況普遍，令屋苑盤源選擇有所減少，交投步伐亦受到影響。余美寶補充，今個月黃埔花園暫時錄得一宗成交，預計復活節長假期將至，業主、買家或離港外遊，短期內成交將會受壓，但相信假期過後，買家仍然會積極在市場「搵筍盤」，料整體樓市氣氛持續向好。 

新界區方面，21個指標屋苑於周末暫錄745組客戶預約睇樓，按周上升2.8%。利嘉閣地產映灣園一行高級聯席董事魏小勇指出，買家入市意欲高漲，不論在一手市場還是二手市場都十分活躍，頻頻出動睇樓比較，刺激周末映灣園預約睇樓量上升。魏小勇又指，現時映灣園盤源尚算充足，樓價亦相對較市區屋苑低水，故有不少上車客前往參觀，希望盡早在區內覓得心水單位。 

至於港島區8個指標屋苑於未來兩日暫錄310組客戶預約睇樓，按周微增1.6%。利嘉閣地產太古城恆山閣分行高級經理黃凱達表示，受北角焦點新樓盤的氣氛所帶動，買家積極在市場查詢問盤，周末太古城預約睇樓量大致平穩。黃凱達又表示，太古城本月首7天錄得約4宗買賣，平均成交實用呎價約17,785元，若與去年4月份比較，按年升幅高達兩成，故有部分屋苑業主見帳面利潤甚豐，有意出貨獲利離場。

稿：利嘉閣地產資料研究部