大市氣氛良好 睇樓量穩升 周末50屋苑預約參觀增2.0% 連升6周

雖然今個周末元朗區有新盤開賣，吸去市場部分購買力，但由於美國日前議息後宣佈利率維持不變，多個金融市場普遍造好，加上有本地銀行推出更優惠的按揭計劃吸引買家，在多項利好消息提振下，用家入市意欲繼續上升。根據利嘉閣地產研究部數據估算，全港50個指標屋苑共錄1,500組客戶於本周末預約睇樓，較上周末的1,470組增加2.0%，連升六個星期。有部分業主見近日市況好轉，開始收窄議價空間，加上可供睇樓的盤源陸續被吸納，而且下周起節日假期眾多，估計二手睇樓量或會減少。 

按地區劃分，三區的指標屋苑周末睇樓量繼續保持活躍，當中港島區的升幅較為顯著，該區8個指標屋苑暫錄290組客戶預約睇樓，按周彈升7.4%。利嘉閣地產嘉亨灣三行高級經理施志剛表示，近日股市表現不俗，買賣投資氣氛改善，不少準買家重拾入市動力。施志剛又指，以嘉亨灣為例，由於樓價由高位累積一定程度跌幅，提升買家入市意欲，而最近成交的單位價格亦見有喘定跡象，相信屋苑樓價已找到初步支持位。 

新界區方面，21個指標屋苑暫錄610組客戶預約睇樓，按周微升1.7%。利嘉閣地產天水圍區分區經理文家輝指出，最近二手氣氛良好，準買家積極睇樓，周末預約睇樓人流保持活躍。不過，由於早前嘉湖山莊二手交投暢旺，不少平價盤源迅速被市場吸納，導致屋苑盤源減少，加上元朗新盤周末開賣，不論代理兵力及買家焦點都集中一手市場，故相信短期內區內二手交投步伐或會受到影響。 

至於九龍區方面，21個指標屋苑周末暫錄600組客戶預約睇樓，按周持平。利嘉閣地產都會豪庭分行(A組) 助理分區經理鄧達榮表示，雖然下周開始假期節日較多，但準買家未有提前預約睇樓，新都城周末睇樓量輕微回落。鄧達榮認為，早前屋苑消化了大部分「平價盤」，相信盤源有待補充，加上區內有新盤項目正準備部署推出，準買家態度甚為觀望，料屋苑成交或需「唞唞氣」。

發稿：利嘉閣地產資料研究部