減價放盤增多 睇樓反覆回穩 50屋苑周末預約睇樓量按周回升2.3%

二手減價放盤愈趨普遍，加上港股造好，吸引準買家出動探盤，不過，市場觀望氣氛仍未消散，而且多個大型新盤部署即將出擊，令本周二手預約睇樓量暫時靠穩。根據利嘉閣地產研究部數據估算，全港50個指標屋苑共錄1,330組客戶於本周末預約睇樓，較上周末的1,300組回升2.3%。由於預期下月將有多個大盤準備應市，搶佔市場焦點，料短期內50指標屋苑睇樓量仍於低位反覆徘徊。 

按地區劃分，港島及九龍兩區指標屋苑的周末睇樓量均有增加，新界區的睇樓量則保持於上周水平。數據顯示，九龍區21個指標屋苑周末暫錄490組客戶預約睇樓，按周回升4.3%，升幅屬三區之中最為顯著。利嘉閣地產都會豪庭分行(A組)高級經理鄧達榮表示，最近市場上屢有「筍價」二手平盤出現，吸引沉靜已久的用家動身搵盤，近日新都城睇樓氣氛有所改善，周末睇樓量按周急升17%。鄧達榮補充，雖然十月份至今新都城暫錄得3宗成交，但屋苑業主態度較早前軟化，料可加快雙方買賣步伐，相信二手交投將逐步好轉。

港島區方面，8個指標屋苑暫錄250組客戶預約睇樓，按周回升4.2%。利嘉閣地產太古及康怡區助理營業董事丁培鴻表示，近日區內願意減價的業主增加，帶動查詢及睇樓客量由早前的低位回升，現時太古城兩房戶最低入場費約715萬元起，較早前調低約6%；而兩房戶入場費約670萬元的康怡花園，亦吸引上車客前往睇樓，丁培鴻預期，隨著一手客源回流二手，加上業主減價放盤推動，料為屋苑交投增添動力。

至於，新界區21個指標屋苑暫錄590組客戶預約睇樓，按周走勢平穩。利嘉閣地產沙田第一城分行市務經理胡漢業表示，最近屋苑放盤普遍調減約5%，部分更減至400萬元以下，不過，仍與準買家預期的一成至兩成跌幅有較大差距，故未對睇樓及交投造成明顯刺激，本月至今屋苑暫錄8宗買賣，與上月同期相若，由於新界區多個大型一手項目將應市，準買家心態保持觀望，交投節奏緩慢。

發稿：利嘉閣地產資料研究部