買家審慎觀望 二手睇樓量靠穩 50屋苑周末預約睇樓量按周微升0.7%

近日港股持續受壓向下，投資氣氛一般，加上距離九月加息預期愈來愈近，準買家審慎觀望，惟最近人民幣貶值刺激個別長線投資者入市買「磚頭」保值，部分屋苑二手睇樓量靠穩造好。根據利嘉閣地產研究部數據估算，全港50個指標屋苑共錄1,520組客戶於本周末預約睇樓，較上周末的1,510組微增0.7%，連跌兩周後稍為喘定，惟料多個一手項目相繼應市，未來數周二手睇樓量難以大幅反彈回升。 

按地區劃分，港島及新界區指標屋苑的周末睇樓量靠穩發展，當中以港島區升幅較為顯著，然而，九龍區周末預約睇樓量按周回落。數據顯示，港島區方面，8個指標屋苑周末暫有265組客戶預約睇樓，按周上升3.9%。利嘉閣地產太古及康怡區助理營業董事丁培鴻表示，受人民幣貶值消息刺激帶動，有個別長線投資者到區內睇樓，轉戰買「磚頭」收租保值，太古城本周末睇樓氣氛靠穩。不過，最近港股受壓下行，投資買賣氣氛一般，有個別業主態度稍為軟化，擴闊議價空間至約4%左右，有利加快屋苑買賣成交步伐。 

新界區方面，21個指標屋苑暫有735組客戶預約睇樓，較上周增加0.7%。利嘉閣地產YOHO Midtown分行(B組)經理莫家進指出，發展商高價投得元朗站上蓋項目後，YOHO Town睇樓人數保持活躍，當中不乏長線投資者及外區用家，加上附近大型商場即將面世，區內二手買賣步伐加快，屋苑本月至今暫錄約30宗二手成交，並已超越七月全月的26宗成交個案，買賣交投暢旺。 

至於九龍區方面，該區21個指標屋苑錄520組客戶預約睇樓，按周減少1.0%。利嘉閣地產東九龍助理分區經理萬達人表示，黃大仙新盤項目即將推出，料會搶佔市場部分購買力，加上區內普遍業主持貨力較強，叫價企硬不減，準買家態度觀望，八月份麗港城暫錄得5宗買賣成交，屋苑二手交投淡靜，現時兩房單位入場費約570萬元起。

發稿：利嘉閣地產資料研究部