一手群盤齊發 帶動睇樓氣氛 50屋苑預約睇樓量回升1.5% 結束四連跌

本周末多逾500伙新盤單位群起開售，帶起樓市氣氛，雖然金管局上周再出招收緊按揭，普遍準買家仍然觀望市況發展，但睇樓意欲及入市需求仍在，二手睇樓量由早前的低位開始逐漸恢復。根據利嘉閣地產研究部數據估算，全港50個指標屋苑共錄約1,360組客戶於本周末預約睇樓，較上周末的1,340組稍為回升1.5%，結束之前連跌四周的局面。

按地區劃分，全港三區的周末預約睇樓量當中，港島及新界區均錄得上升，而九龍區則持續下跌。數據顯示，港島區8個指標屋苑暫錄235組客戶的周末睇樓邀約，按周增加6.8%。利嘉閣地產杏花村分行助理分區經理黃銳平指出，目前杏花村大部分二手單位價格均於600萬元以上，故收緊中細價樓按揭對屋苑影響不大，而部分有心放盤的業主，近日議價空間增至約2%，較早前「零議幅」易傾，買家則期望趁機「執平貨」，開始出動睇樓，帶動睇樓氣氛，預計屋苑本月交投可望平穩發展。

新界區方面，21個指標屋苑周末暫錄650組客戶的睇樓邀約，按周回升2.4%。利嘉閣地產沙田第一城銀城分行(A組)聯席董事何家健指出，中細價樓按揭收緊後，沙田第一城部分放盤業主態度軟化，叫價較出招前回落2%至3%，令近日準買家的睇樓意欲有所恢復，其餘個別業主則未肯落價，寧願將單位轉售為租。現時沙田第一城入場費約400萬元，較早前下調約2%，放盤亦稍為增加5%至約170個。

九龍區於本周末有全新一手盤登場，吸去市場目光，令該區21個指標屋苑僅錄475組客戶預約睇樓，按周下跌2.1%。利嘉閣地產黃埔二行(A組)聯席市務董事余美寶表示，由於新盤提供的兩房單位對市場有一定吸引力，吸引不少睇樓客轉投，令二手樓市睇樓及交投相對較為淡靜，加上現時放盤業主叫價未有顯著下調，準買家則處於觀望，希望以低價入市，令屋苑買賣暫時陷入膠著。

發稿：利嘉閣地產資料研究部