50屋苑周末預約睇樓客量1,625組 按周續跌1.8% 連挫五周

新學年、新馬季剛剛展開，二手樓市開始轉靜，加上放盤持續匱乏、業主叫價進取，而近日股市大上大落，窒礙買家入市，而且，大型新盤部署即將登場，凍結樓市購買力，拖累二手預約睇樓量再錄下跌。根據利嘉閣地產研究部數據估算，全港50個指標屋苑僅錄約1,625組客戶於本周末預約睇樓，較上周末的1,655組再跌1.8%，連跌五周；睇樓邀約中以換樓買家為主導，佔整體客源客量比重約34.6%。

按地區劃分，港島、九龍、新界三區的周末預約睇樓量同時報跌，當中以新界區跌幅較為顯著。數據顯示，新界區21個指標屋苑本周末暫錄785組客戶的睇樓邀約，按周減少1.9%，受上車客追捧的新界西北細價樓，因放盤開價水漲船高，對睇樓及交投造成窒礙。利嘉閣地產屯門大興二行高級分區經理葉偉珩表示，儘管近期樓價節節上升，然而，大興花園呎價及單位總價始終較低，吸引部分市區客入區睇樓，尤其以上車單位最受歡迎。不過，由於盤源非常緊張，屋苑兩期發展目前僅餘約40個匙盤，加上業主看好後市，就算到價亦不願售出，部分準買家寧可暫時放棄睇樓，故此，屋苑整體睇樓量只能保持平穩，未有明顯升幅。

港島區方面，8個指標屋苑暫錄275組客戶的周末睇樓邀約，較上周末略減1.8%，雖然交投活躍的太古城，周末睇樓客量回升約9%，不過，嘉亨灣放盤價高超出一般買家預算，睇樓客量始終低位徘徊。利嘉閣地產嘉亨灣三行分行經理施志剛表示，屋苑放盤平均叫價已升至約720萬元，最平的入場單位也要約520萬元，令買家難以消化，睇樓及成交氣氛低迷，本月至今屋苑僅錄2宗交投，較上月同期大跌逾7成。

九龍區21個指標屋苑暫錄565組客戶預約睇樓，按周下跌1.7%，當中淘大花園受缺盤限制，預約睇樓量按周跌約13%。利嘉閣地產淘大分行高級經理鮑允中指出，屋苑現時只有接近100個放盤，較過往大跌一半，就算買家有心入市亦無樓睇，業主亦相當惜售，普遍叫價升至450萬元以上，與一般準買家的預算差距甚大，無心睇樓下，屋苑睇樓客量因此持續下滑。

發稿：利嘉閣地產資料研究部