二手價升不停 購買力流向新盤 50屋苑周末預約睇樓量續跌1.5%

二手市場大鬧盤荒，而且樓價進入乾升階段，睇樓及交投持續受壓，加上周末部分新盤開展次輪銷售或陸續收票，凍結不少資金及購買力，窒礙準買家購買二手單位的意欲，情況已在指標屋苑預約睇樓量走勢得到反映。根據利嘉閣地產研究部數據估算，全港50個指標屋苑周末僅錄1,665組客戶於本周末預約睇樓，較上周末的1,690組減少1.5%，連續第三周報跌。睇樓邀約中持續以換樓買家為主導，佔整體客源客量比重約33.5%。

按地區劃分，港島、九龍及新界三區的周末預約睇樓量同時下挫，當中九龍區屋苑睇樓量跌幅較顯著。數據顯示，九龍區21個指標屋苑暫錄570組客戶預約睇樓，較上周末減少2.6%，其中黃埔花園受君臨天下及天晉IIIA銷售影響，周末睇樓邀約減少11%。利嘉閣地產黃埔二行﹙A組﹚聯席市務董事余美寶表示，新盤搶佔區內客源，而且屋苑可供睇樓的放盤不多，尤其以兩房單位盤源最缺，普遍叫價已升至500萬元以上，令兩房交投陷入停頓。反觀，三房單位放盤則較為充裕，叫價介乎600多萬至700多萬元，相比之下較為抵買，吸引換樓客睇樓。

港島區8個指標屋苑暫錄290組客戶的周末睇樓邀約，較上周末減少1.7%，其中康怡花園盤源早被消化，交吉盤僅餘20多間，削弱準買家睇樓意欲，令預約睇樓按周大跌18%。至於杏花村放盤業主議價態度相對平實，普遍仍然願意向準買家提供少量議價空間，故此，預約睇樓客量保持平穩。利嘉閣地產杏花村分行高級經理黃銳平指出，有意入市的準買家積極搵盤，包括區內分支家庭及外區客，但受用家追捧的兩房單位放盤始終不多，相信屋苑今月交投難望有所突破。

新界區方面，因上車盤樓價急升，超出部分準買家預算範圍，令該區二手潛在客量不斷減少，故此，區內21個指標屋苑周末暫錄805組客戶的睇樓邀約，按周減少0.6%，其中新港城及銀湖‧天峰預約睇樓客量各有雙位數跌幅，減幅較大。利嘉閣地產馬鞍山中心分行高級聯席董事楊震霆表示，業主期望即將開售的新盤帶動樓價，新港城放盤叫價相當硬淨，交投及睇樓活動暫時膠著。

發稿：利嘉閣地產研究部