新盤成焦點 搶二手客源 50屋苑周末預約睇樓量跌8.4%

新一輪新盤銷售浪潮正式展開，市場焦點重回一手市場，當中將軍澳新盤剛獲批出預售樓花同意書後，旋即以貼近二手價開盤，吸去大量睇樓客源，加上二手市場持續缺盤，指標屋苑周末睇樓客量顯著下挫。根據利嘉閣地產研究部數據估算，全港50個指標屋苑共錄1,805組客戶於本周末預約睇樓，較上周末的1,970組減少8.4%；睇樓邀約當中持續以換樓買家為主導，佔整體客源客量比重進一步升至33.9%。 

按地區劃分，港島、九龍及新界三區的周末預約睇樓量全面報跌，當中以九龍區跌幅最為顯著。數據顯示，九龍區21個指標屋苑暫錄655組客戶於周末預約睇樓，較上周急跌14.4%。由於將軍澳區有大型新盤即將應市，而且開價貼近區內二手屋苑，不少外區買家轉移視線參觀新盤，令將軍澳區屋苑預約睇樓量全線下跌，幅度由22%至50%。利嘉閣地產將軍澳中心分行﹙A組﹚高級區域經理溫錦駒表示，由於新盤訂價非常吸引，加上二手放盤量又嚴重不足，而且，業主議價幅度普遍不足1%，二手放盤吸引力相形見絀，相信在新盤開售期間，區內二手交投將被冰封。 

新界區21個指標屋苑暫錄約840組客戶的周末睇樓邀約，按周減少5.6%，其中荃灣中心客量增加22%，表現較好；反觀，嘉湖山莊二手市場則受制於匙盤短缺兼且開價高企，加上新盤開售外區新客睇樓數量減少，屋苑預約睇樓量下跌14%。利嘉閣地產天水圍區助理分區董事黃景豪表示，現時嘉湖山莊匙盤單位僅餘約20間，而且屋苑價格近期累積一定升幅，尤其以兩房單位升幅較大，入場費已升至320萬元水平，相比之下，入場費約370萬元的三房單位就顯得吸引，令換樓客睇樓比例增加。

港島區方面，8個指標屋苑暫有310組客戶預約睇樓，較上周末減少1.6%，其中杏花村、嘉亨灣、藍灣半島客量分別下跌11%至13%，不過，太古城、康怡花園則各自增加9%至10%，利嘉閣地產太古康怡區助理分區董事丁培鴻表示，近日有實際自住需求的用家積極在市場搵盤，令太古城的交吉盤較受歡迎，帶動預約睇樓客量，縱然有意入市的用家增加，不過，太古城樓價持續攀升，買家還價與業主意向價有一定差距，成交阻力較大，預計短期內屋苑交投難有大幅突破，但價格則有機會再創新高。

發稿：利嘉閣地產資料研究部