業主、用家返港 睇樓人流低位稍增 50屋苑周末預約睇樓量回升3.6%

聖誕及新年長假期結束，外遊業主及用家陸續返港回流二手市場，加上周末天氣稍見回暖，各區二手睇樓人流從低位稍見回升。根據利嘉閣地產研究部數據估算，全港50個指標屋苑周末約有1,595組客戶預約睇樓，按周回升3.6%；至於十大指標屋苑預約睇樓客量則約有570組，按周增加9%，表現相比大市優勝。

按地區劃分，港島、九龍及新界三區的周末預約睇樓客量全面報升，增幅由2.6%至7.0%不等。數據顯示，港島區9個指標屋苑共有305組客戶的周末睇樓邀約，較上周增加7.0%，其中太古城、康怡花園及海怡半島睇樓量增加14%至20%不等，走勢領先。利嘉閣地產太古及康怡區助理分區董事黃龍智表示，隨著外遊業主陸續返港，開放單位供睇樓；而且，部分業主更將議價空間擴闊到5%至10%之間，賣盤吸引力因此提高，預期屋苑周末更可望成功「開齋」。

九龍區20個屋苑周末共有700組客戶預約睇樓，按周增加2.9%，其中淘大花園、麗港城、新都城及美孚新村睇樓量按周增加6%至14%不等。利嘉閣地產麗港城分行（B組）高級經理陳維進表示，聖誕月麗港城交投僅有個位數進賬，實在疏落，部分麗港城業主見勢調低賣盤價格，而且實客上門睇樓更有5%的落價空間，兩房單位400餘萬元有交易，甚具競爭力，預計睇樓客量增加之餘，更可為屋苑帶來買賣。

至於新界區，21個指標屋苑累錄590組客戶預約在周末睇樓，按周增加2.6%，其中映灣園睇樓量反彈33%較顯著，沙田第一城及嘉湖山莊睇樓量則各自增加7%。利嘉閣地產映灣園第一分行經理魏小勇指出，長假期結束後，業主及用家紛紛返港，睇樓活動回復至較正常水平，映灣園及藍天海岸睇樓客量均較上周有所增加，相信今月兩大屋苑買賣活躍程度料會提升，物業不乏承接。

發稿：利嘉閣地產研究部