新盤賣得火熱 用家懶理二手 屋苑周末預約睇樓量減4.4% 連跌兩周

一手新盤「賣得火熱」，預期繼有新盤接捧登場，令用家目不暇給穿梭示範單位，懶理二手放盤，二手睇樓氣氛持續欠佳，指標屋苑周末睇樓客量更持續滑落。根據利嘉閣地產研究部數據估算，全港50個指標屋苑周末只有約1,645組客戶預約睇樓，按周下跌4.4%，連跌兩周；十大指標屋苑預約睇樓客量則有約590組，按周則減少2%，減幅較為輕微。

 按地區劃分，港島、九龍及新界三區的周末預約睇樓客量全面報跌，各區減幅介乎2.2%至6.3%不等。數據顯示，九龍區20個屋苑周末僅有665組客戶預約睇樓，較上周減少6.3%，三區之中跌幅最大，其中黃埔花園、淘大花園、麗港城及新都城睇樓量下跌7%至13%。利嘉閣地產麗港城一行分行高級經理陳維進表示，觀塘區全新樓盤登場，搶走不少東九龍客源；即使部分麗港城業主已調低單位造價約10%，但仍難吸引用家注意，屋苑近期睇樓量人流明顯減少，預期今月交投氣氛更為沉悶。

 港島區9個指標屋苑周末僅有325組客戶睇樓邀約，按周減少4.4%，其中太古城、康怡花園及藍灣半島睇樓量錄得11%至14%的跌幅。利嘉閣地產藍灣半島分行經理武秉強表示，藍灣半島為用家主導市場，業主資金壓力較小，因此劈價賣樓的個案甚少，議價空間僅介乎3%至5%之間，與普遍用家期待的10%至20%的折讓有一段差距；故此屋苑睇樓量按周下跌，估計今月交投將繼續於個位數徘徊。

 至於新界區，21個指標屋苑周末只有655組客戶預約睇樓，按周減少2.2%，其中新港城、藍天海岸及映灣園睇樓量按周減少10%至17%。利嘉閣地產映灣園一行分行經理魏小勇指出，東涌區將有全新大型新盤亮相，區內業主普遍持觀望態度，靜待價單公布後再作決定；而且，用家亦放慢入市步伐，刻下減少睇樓，藍天海岸及映灣園周末睇樓量下跌，預期兩大屋苑今月交投有機會陷入「個位數」的困局。