購買力轉移一手陣營 二手屋苑睇樓更少 50指標屋苑周末預約睇樓量跌3.8%

近期樓市主線聚焦一手市場，留守二手市場的客源少之又少；再者，二手業主又傾向觀望新盤銷情再作賣樓打算，因此部分用家於現階段減少參觀二手單位，指標屋苑周末預約睇樓人流因而續見稀疏。根據利嘉閣地產研究部數據估算，全港50個指標屋苑僅有1,645組客戶預約在周末睇樓，較上周末減少3.8%；至於十大指標屋苑則約有535組客戶預約睇樓，按周減少6%。

 按地區劃分，港島、九龍及新界三區的周末預約睇樓客量繼續報跌，其中新界區屋苑睇樓客源流失量依然最多。事實上，區內新盤攻勢未停，更大比例的購買力流向一手，故此，新界區21個指標屋苑僅有585組客戶預約在周末睇樓，較上周末下跌5.6%，其中爵悅庭睇樓量下跌25%最多，沙田第一城、YOHO TOWN及嘉湖山莊睇樓量亦錄7%至14%的減幅。利嘉閣地產爵悅庭分行（B組）經理李國輝指出，新盤應市後，荃灣區二手購買力被嚴重凍結，交投漸趨疏落；加上，愈來愈多業主選擇封盤，拖累區內屋苑睇樓量急跌，其中爵悅庭周末更餘少量客源預約睇樓，預期屋苑今月能否「開齋」亦成疑問。

 港島區方面，9個指標屋苑周末僅有345組客戶邀約睇樓，按周減少4.2%，其中太古城、康怡花園及海怡半島預約睇樓量減少6%至13%。利嘉閣地產藍灣半島分行經理武秉強指出，雖然藍灣半島月初成功「開齋」，不過成交步伐仍較上月同期為慢，加上業主減價賣樓意欲不大，屋苑欠缺「筍盤」下，睇樓氣氛相對低沉，估計屋苑今月進賬不多，料最多與上月7宗水平看齊。

 至於九龍區，20個指標屋苑周末預約睇樓客量僅有715組，按周下跌2.1%，其中黃埔花園、淘大花園、新都城及美孚新村睇樓量下跌8%至11%不等。利嘉閣地產黃埔第二分行（A組）助理分區市務經理余美寶表示，九月初不少家長忙於處理子女開學事宜，減少開放單位供睇樓；而且近日天氣欠佳，有損用家睇樓興致，黃埔花園周末睇樓量下滑；本月至今屋苑僅錄1宗買賣，較上月同期減少75%，預期屋苑短期內承接依然薄弱。