天氣炎熱 用家睇樓欠MOOD 周末指標屋苑睇樓量續跌2.5%

近日天氣炎熱，市民出動睇樓意欲低沉，加上樓市氣氛尚未見有起色，後市形勢仍未明朗，準買家未敢冒進入市，整體周末預約睇樓人流持續減少。根據利嘉閣地產研究部數據估算，全港50個指標屋苑僅有1,985組客戶預約在周末睇樓，較上周末下跌2.5%，連跌6周，數據不僅顯示二手市場新客甚少，預計短期二手交投仍會持續淡靜。至於十大指標屋苑則有700組客戶預約睇樓，則與上周相若。

 按地區劃分，港島、九龍及新界三區的周末預約睇樓客量各自發展。數據顯示，新界區21個指標屋苑僅有795組客戶預約在周末睇樓，較上周減少5.4%，其中沙田第一城及YOHO TOWN睇樓人流按周減少10%，表現失色。利嘉閣地產柏慧豪園分行（C組）經理鄧鎮華指出，嘉湖山莊今月為止暫錄約15宗買賣，表現尚算平穩，交投主要集中於三房單位，因為該類單位呎價較兩房戶相對平宜，不少上車客轉買較大單位更為划算；至於今屋苑周末睇樓人流與上周相若，預期周末成交不多。

 港島區9個指標屋苑周末僅有410組客戶邀約睇樓，按周減少1.2%，其中康怡花園、杏花村及海怡半島預約睇樓量減少8%至10%；反觀，太古城及藍灣半島睇樓客量則增加10%。利嘉閣地產太古及康怡區助理分區董事黃龍智指出，太古城業主態度開始軟化，賣盤開價稍見「鬆手」，即時吸引部分準買家承接單位，刺激太古城今月短短一周內已錄7宗買賣，較早前數月同期僅錄5宗以下的買賣狀況為佳；今周末屋苑睇樓客量按周增加10%，加上造價同步下調配合，估計屋苑今月成交量有望上升至30宗水平。

 至於九龍區，20個指標屋苑周末預約睇樓客量共有780組，與上周看齊，其中黃埔花園、海逸豪園、新都城及美孚新村睇樓量更增加6%至13%不等。利嘉閣地產黃埔二行分行助理分區市務經理余美寶表示，市況淡靜多月，連一向「價硬」的黃埔花園業主議價態度亦慢慢軟化，今月首周暫錄6宗買賣，其中5宗成交呎價僅達九千多元；造價開始回落，無疑增加屋苑周末睇樓量；此外，放盤叫價亦見保守，現時屋苑兩房入場費約460萬元，每呎叫價低見1萬元以下水平。