| 樓市近況平平，隨著市場焦點轉移一手市場，加上二手平盤欠奉，二手市況明顯冷清；而且，近日大雨頻仍，準買家睇樓意欲再打折扣，指標屋苑周末預約睇樓量持續下滑。根據利嘉閣地產研究部數據估算，全港50個指標屋苑僅有1,915組客戶預約在周末睇樓，較上周末減少7.3%，連跌四周。由於二手賣盤普遍欠缺賣點，加上暑假期間份屬租賃市場旺季，租客睇樓比例明顯佔多，達33.8%。
按地區劃分，港島、九龍及新界三區的周末預約睇樓客量全線報跌，當中港島區客量跌幅較大。數據顯示，港島區21個指標屋苑周末僅有385組客戶邀約睇樓，按周減少10.5%，其中太古城睇樓客量流失最嚴重，周末日屋苑大約只有90組客戶預約睇樓，較上周減少18%，杏花村及海怡半島的預約睇樓量亦分別減少9%及10%。利嘉閣地產太古城第二分行經理鄭其昌指出，樓市氣氛平淡，加上市場缺乏平盤，單位開價變動不大，難以激起準買家還價入市；此外，新盤近期銷售不俗，代理促銷二手單位的力量亦較為薄弱，預期屋苑短期交投仍然疏落。
九龍區方面，20個指標屋苑周末預約睇樓客量只有735組，較上周減少8.1%，其中黃埔花園、麗港城及美孚新村下跌11%至14%不等，新都城的周末睇樓客量亦減少9%。利嘉閣地產海逸第二分行（A組）聯席董事潘立信表示，土瓜灣新盤近期熱賣，加上美國宣布退市後，不少黃埔、海逸業主願意降價沽樓，放盤吸引力明顯增加，遂吸引外區中產家庭轉移至該區市場，帶旺海逸豪園及半島豪庭等中高檔樓盤睇樓、揾樓，由於客量增加兼且議價阻力降低，預期屋苑短期交投將會有所增加。
新界區21個指標屋苑共有795組客戶預約在周末睇樓，只較上周減少4.8%。利嘉閣地產海柏一行經理曾昭豪指出，「白居二」熱潮出現，令該區綠表居屋單位造價飆升，部分準買家追價不及，遂轉移目標至同區私宅屋苑揀樓，故此，該區私人屋苑睇樓客量減幅不如市區屋苑嚴重。不過，由於此批準買家暫時以探路、試價為主，入市意欲不算高，估計該區私人屋苑短期交投依然疏落。
|
圖1：表一：各區屋苑周末預約睇樓量及客源變化
