拉鋸持續 指標屋苑周末睇樓量再跌4.7%

雖然美國今日突然轉軚繼續支持寬鬆貨幣政策，但市場加息陰影卻未有因此退卻，加上二手放盤「價僵盤少」，買家入市意欲低沉不振；與此同時，兩大新盤周末齊齊開賣，搶佔二手市場購買力，令致周末各區指標屋苑的睇樓客量持續報跌。根據利嘉閣地產研究部數據估算，全港50個指標屋苑僅有1,935組客戶預約周末參觀單位，較上周末減少4.7%，連跌兩周累減12%；十大指標屋苑則有650組客戶預約睇樓，按周減少6%。市況欠佳加上租務旺季來臨，租客睇樓比例按周增加1個百分點至33.9%。

 按地區劃分，港島、九龍及新界二手預約睇樓客量全面報跌，當中以九龍區睇樓客量減幅最多。一手市場有新盤開售，分散該區上車及中產階級換樓客的注意力，導致二手睇樓客源續減，該區20個指標屋苑僅有730組客戶預約在周末睇樓，較上周末減少5.2%，其中黃埔花園、新都城及美孚新村睇樓量按周下跌6%至10%。利嘉閣地產泓景臺一行分行（A組）高級經理梁德盈表示，暑假正式展開，家長忙於替子女安排暑期班活動，暫時無暇戀棧二手物業交投，加上市場觀望濃厚，七月上旬西九四小龍屋苑租售交投欠佳，其中泓景臺今月至今暫錄1宗買賣及4宗租務成交，兩者均較上月同期放緩；周末睇樓客量未見回升，預期屋苑短期內成交依然緩慢。

 新界區方面，二手購買力及代理促銷力量轉投一手市場陣營，令該區21個指標屋苑周末僅有820組客戶邀約睇樓，按周減少4.7%，其中盈翠半島、YOHO TOWN、嘉湖山莊及映灣園睇樓客量減少9%至13%。利嘉閣地產栢慧豪園分行（C組）經理鄧鎮華指出，嘉湖山莊今月交投緩慢，上旬期間屋苑僅錄十多宗買賣，已較上月同期減少近半；如今元朗兩大新盤周末正式推售，預期更多準買家轉出外區「探市」，估計周末屋苑只有零星交投。

 至於港島區，9個指標屋苑周末預約睇樓客量有385組，較上周下跌3.8%，其中康怡花園、藍灣半島及海怡半島睇樓量均錄單位數跌幅。利嘉閣地產太古城第二分行經理鄭其昌表示，業主有商有量配合下，太古城睇樓量尚算平穩，惟買賣雙方價格分歧太大，議價程序往往因此中斷，太古城今月至今暫錄6宗買賣，預期屋苑中旬成交依然疏落。