| 啟德兩幅「港人港地」以理想價批出，雖然提高市民入市信心，加上白表客「殺到」，居屋二手市場熱烘烘，理應帶挈私宅市場同告熱鬧；然而，美國「收水」顧慮尚存，而且，股市近日反覆向下，筍盤消化過後補給需時，利淡因素相互對沖下，二手私宅睇樓人煙稍見疏落。根據利嘉閣地產研究部數據估算，全港50個指標屋苑只有2,100組客戶預約周末參觀單位，較上周末下跌3.4%，兩周累跌近5%；十大指標屋苑則累錄775組預約睇樓客戶，按周則減少3.7%，兩周累跌6％。
按地區劃分，港島、九龍及新界二手預約睇樓客量全面報跌，當中以新界區睇樓客量跌幅最高。新界區21個指標屋苑周末僅有840組客戶邀約睇樓，按周減少4.5%，沙田第一城、新港城、嘉湖山莊及映灣園睇樓客量減少4%至11%。利嘉閣地產爵悅庭（B組）分行經理李國輝指出，樓市氣氛漸次復甦，加上「白表客」開始殺入居屋二手市場，預期下一步將會推升私宅二手成交及樓價，一般上車用家開始加快睇樓及入市步伐，令致荃灣區二手睇樓量逐步回升，其中爵悅庭預約睇樓量按周增加近兩成，估計可為屋苑帶來不少進賬。
九龍區20個指標屋苑僅有820組客戶預約在本周末睇樓，較上周末下跌3.5%，其中黃埔花園、翔龍灣及新都城睇樓量按周減少7%至10%。利嘉閣地產翔龍灣分行經理盧偉森表示，日前啟德發展區兩幅「港人港地」以市場預期上限售出，但翔龍灣業主仍在消化消息，未見大量封盤及反價個案，反映刻下市況低迷，業主未敢輕舉妄動；至於屋苑睇樓客量方面，則因平貨選擇少而按周錄得下跌，預期用家短期內傾向觀望，今月屋苑成交料不多。
港島區方面，9個指標屋苑周末預約睇樓客量僅有440組，較上周減少1.1%，其中杏花村及海怡半島睇樓量下跌10%及14%，至於太古城、康怡花園及藍灣半島則倒升不足10%。利嘉閣地產藍灣半島分行經理武秉強表示，近月二手大市回勇，港島區不少大型屋苑交投以倍數彈升，惟藍灣半島買賣疏落；雖然屋苑睇樓客量持續有增，無奈用家對後市亦深存顧慮，兼且要多番睇樓比較，拖慢入市決定，預期屋苑六月份交投氣氛依然沉悶。
|
圖1：表一：各區屋苑周末預約睇樓量及客源變化
