「執平貨」動力大 母親節無損睇樓興致 50指標屋苑周末預約睇樓量上升10%

樓市正值轉角，不少準買家都趁早「執平貨」，加上各國量化寬鬆，間接增加用家入市的動力；雖然今周末碰巧母親節，但亦無損用家安排睇樓活動興致，指標屋苑周末預約睇樓量繼續上升。根據利嘉閣地產研究部數據估算，全港50個指標屋苑共有2,300組客戶預約周末參觀單位，較上周末增加10.3%；十大指標屋苑則累錄900組預約睇樓客戶，按周更增加18%。

 按地區劃分，港島、九龍及新界三區指標屋苑預約睇樓量全面報升，各區二手睇樓客量增幅相若。數據顯示，九龍區方面，20個指標屋苑共有915組客戶預約在周末睇樓，較上周末增加10.9%，其中黃埔花園、淘大花園及麗港城睇樓量按周回升22%至29%。利嘉閣地產黃埔二行分行（B組）助理分區經理洪志杰指出，黃埔今月至今暫錄6宗買賣，表現較上月全月進賬不足10宗的市況為佳；市場上欠一手新盤應市，一手購買力「谷去」二手市場睇樓入貨，帶挈屋苑睇樓量及成交量都顯著回升。

 港島區方面，9個指標屋苑周末預約睇樓客量共460組，較上周增加10.8%，其中鰂魚涌三大屋苑太古城、康怡花園及南豐新村睇樓量按周增加18%至25%。利嘉閣地產太古及康怡助理分區董事黃龍智表示，近月各國再次推行量化寬鬆，有助提升用家入市的信心；太古城部分業主有商有量，「挽留得住」準買家的芳心，加速屋苑今月的成交步伐，預期睇樓人流保持平穩下，估計全月可達20宗水平。

 至於新界區，該區21個指標屋苑周末共有925組客戶預約睇樓，按周增加9.5%，其中沙田第一城、新港城、YOHO TOWN、嘉湖山莊及映灣園睇樓量增加10%至18%，升幅較為平均。利嘉閣地產栢慧豪園分行（Ａ組）經理文家輝指出，嘉湖山莊今月首9天暫錄17宗買賣，與上月同期數宗比較大有進步；若然以平均每日約有2宗買賣計算，市況則不是太活躍；不過屋苑入場門檻始終較低，而睇樓量亦持續有增，短期內不乏承接。