一手無樓睇 客源轉戰二手 50指標屋苑周末預約睇樓量上升9%

一手條例下周一正式面世，市場一手項目減少開放示範單位，部分市民無一手樓睇，惟有轉往二手屋苑睇樓探市，令致周末各區指標屋苑的預約睇樓客量錄得上升。根據利嘉閣地產研究部數據估算，全港50個指標屋苑共有2,065組客戶預約周末參觀單位，較上周末增加9%；十大指標屋苑則累錄745組預約睇樓客戶，按周增加14%。客源方面，上車客繼續睇「筍盤」，睇樓比例按周增加0.6個百分點至30.5%。

 按地區劃分，港島、九龍及新界三區指標屋苑預約睇樓量全面報升，其中新界區睇樓客量增幅尤其顯著，港、九兩區睇樓量則平穩增長。事實上，上車用家繼續熱衷睇樓，上車熱點包括沙田第一城、新港城、荃灣中心及嘉湖山莊睇樓量增加22%至33%，並且刺激新界區21個指標屋苑周末共有860組客戶預約睇樓，按周大增13.9%。利嘉閣地產栢慧豪園分行（C組）經理鄧鎮華指出，嘉湖山莊業主擴大議價空間，部分超筍盤陸續被市場吸納，刺激屋苑今月交投量回升至逾50宗水平；現時業主開價仍然較為「疏爽」，兩房及純三房單位入場費分別是248萬元及285萬元，預期在睇樓人流保持暢旺下，屋苑交投可以衝上60宗以上水平。

 港島區方面，9個指標屋苑共有390組客戶預約在周末睇樓，較上周增加6.8%，其中杏花村及藍灣半島睇樓量增加逾20%，太古城及康怡花園睇樓量亦各增11%。利嘉閣地產太古及康怡區助理分區董事黃龍智表示，太古城今月至今暫錄12宗買賣，表現較上月同期為佳；不過用家始終被市場觀望氣氛所籠罩，即使有興致預約睇樓的客量增加，但入市決定仍然十分審慎，故此屋苑交投回升速度相對緩慢。

 至於九龍區，20個指標屋苑共有815組客戶預約在周末睇樓，較上周末增加5.2%，其中黃埔花園、新都城及美孚新村睇樓量錄得單位數增長，麗港城睇樓量則持平。利嘉閣地產麗港城第一分行高級經理陳維進指出，早前一手開價優惠，不少用家到一手陣營睇樓的興致提高，留守二手的客源少之又少；而麗港城業主減價又未夠吸引，睇樓人流較為疏落，導致今月交投嚴重膠著，估計剩下日子交投不多。