業主「有價講」 用家睇樓意欲提升 50指標屋苑周末預約睇樓量增4.9%

將軍澳及屯門虎地兩幅官地售價合符市場預期，加上政府預測今、明兩年樓宇供應量持續有序增加，提升市民入市信心，再加上各區二手業主議價態度軟化，準買家睇樓揀盤意欲增加，指標屋苑預約睇樓客量繼續上升。根據利嘉閣地產研究部數據估算，全港50個指標屋苑共有1,820組客戶預約周末參觀單位，較上周末增加4.9%，連升兩周；至於十大指標屋苑則共錄605組預約睇樓客戶，按周增加9%，刻下靜市中睇樓氣氛尚算不俗。

 按地區劃分，港島、九龍及新界三區指標屋苑預約睇樓量全面報升，各區客量錄得4%至5%不等的輕微增幅，其中新界區客量稍勝港、九兩區。數據顯示，新界區21個指標屋苑周末共有700組客戶預約睇樓，按周增加5.3%，其中沙田第一城、新港城及嘉湖山莊睇樓量增加8％至25%。利嘉閣地產柏慧豪園（C組）分行經理鄧鎮華指出，天水圍一手居屋申請進入抽籤程序，同區居屋二手交投明顯減少，不過，鑑於客源背景不盡相同，私宅交投則未受影響，反觀，嘉湖山莊業主議價開價軟化，吸引買家到屋苑睇樓「講價」，今周睇樓人流增加25%，預期本月交投按月至少回升20%。

 九龍區20個指標屋苑共有770組客戶預約在周末睇樓，較上周末增加4.8%，其中新都城及美孚新村睇樓量分別增加11%及14%，淘大花園及麗港城睇樓量則平穩。利嘉閣地產黃埔二行（A組）分行助理分區市務經理余美寶指出，現時二手市況冷清，加上北韓局勢緊張及禽流感威脅等外圍不利因素影響，雖已令部分黃埔花園業主願意減價沽樓，惟減幅未算明顯，加上近日天氣陰晴不定，亦多少破壞睇樓興致，屋苑周末睇樓人流仍較疏落，估計周末成交不多。

 至於港島區，9個指標屋苑共有350組客戶預約在周末睇樓，按周增加4.5%，其中太古城及藍灣半島睇樓量錄得20%以上的增幅，睇樓氣氛比區內其他屋苑好。利嘉閣地產太古及康怡區助理分區董事黃龍智表示，太古城今月上旬暫錄5宗買賣，交投步伐稍稍較上月為快；雖然近日預約睇樓客源有所增加，不過，買賣雙方價格分歧仍然頗大，未能刺激成交量急起直追，估計今月屋苑成交量約15宗，交投仍舊疏落。