外遊業主返港 二手睇樓「人丁」旺 50屋苑周末預約睇樓量增加6.5%

聖誕新年長假過後，外遊業主、買家紛紛返港，而且，股市顯著造好，財富效應凸現，一手市場又有新盤應市，推高大市氣氛，用家睇樓興致大增，令早前「人丁」單薄的二手市場又再暢旺起來。根據利嘉閣地產研究部數據估算，全港50個指標屋苑共有2,525組客戶預約周末參觀單位，較上周末增加6.5%；上車及換樓用家重新參與睇樓活動，兩類客源預約睇樓比例按周分別增加0.5及1個百分點。

 按地區劃分，港島、九龍及新界三區指標屋苑預約睇樓量全面報升，其中以港島區睇樓量增幅較大。港島區方面，9個指標屋苑共有505組客戶預約在周末睇樓，按周大增11%，其中太古城睇樓客量急增近30%，康怡花園、杏花村及海怡半島睇樓客戶數量則增8%至14%。利嘉閣地產太古、康怡區助理分區董事黃龍智表示，股市轉好加上一手新盤部署出擊，買家入市轉趨積極，帶挈太古城上月底起「丁財兩旺」，相信後繼購買力陸續浮現，屋苑今月成交料會攀升至50宗水平。

 新界區21個指標屋苑共錄1,005組客戶預約在周末睇樓，按周增加8.6%，其中沙田第一城、新港城、盈翠半島、嘉湖山莊及映灣園睇樓人流增加9%至18%。利嘉閣地產天水圍分區經理黃景豪指出，各地股市紅盤高開，振奮準買家入市信心，嘉湖山莊周末睇樓人流顯著增加；另外，白表人士免補地價購居屋今日起接受申請，推動不少外區上車客入區睇樓「格價」，故此，今周末接近有200組人客應邀睇樓，場面爆旺。黃氏續指，由於嘉湖山莊現價尚算相宜，三房單位入場費僅約290萬，競爭力足，相信可吸引部分用家選購，進而推高屋苑今月成交量。

 九龍區20個屋苑今個周末共錄1,015組準買家睇樓邀約，按周微增2.5%，淘大花園、新都城及美孚新村睇樓量增加7%至14% ，黃埔花園睇樓量則持平。利嘉閣地產淘大分行經理周祥玉指出，隨著市況逐步回暖，淘大花園近月成交量亦顯著回升，外遊業主返港後開放單位睇樓，今周末預約睇樓量增加，帶挈屋苑交投暢旺；相比之下，同區屋苑德福花園在客源流失下，睇樓人流按周減少，成交暫見疏落。