辣招壓市勁 觀望氣氛濃 50屋苑預約睇樓客即減17% 衰過年初靜市

上周五政府突出「辣招」壓市，二手市場氣氛迅即轉弱，就算經過幾天觀察後，市場觀望氣氛始終揮之不去，用家不敢貿然入市睇樓意欲亦欠奉，加上內地客嚴重流失，拖累未來周末指標屋苑預約睇樓客量大幅下降。根據利嘉閣地產研究部數據估算，全港50個指標屋苑僅有1,910組客戶預約周末參觀單位，較上周末銳減17%，除連跌三周外，數字更少於年初靜市時水平。客源方面，「辣招」出台後，用家普遍選擇轉買為租暫避鋒頭，以致租客睇樓比例按周急增3.6個百分點至28.9%，創出近月新高。

 按地區劃分，港島、九龍及新界三區指標屋苑預約睇樓量全面報跌，按周跌幅更逾15%，九龍區客源流失似乎較為嚴重。事實上，該區20個指標屋苑僅有785組客戶預約在周末睇樓，按周大跌17.4%，其中黃埔花園、淘大花園、新都城、維港灣及美孚新村預約睇樓客急挫20%至33%不等。利嘉閣地產美孚萬事達廣場分行經理余考成表示，政府預告未來壓市動向，各路買家恐防政府日後對樓市加強施壓，押後入市；反觀，放盤業主暫未理會政府忠告，議價態度始終「硬淨」，單位開價與準買家出價分歧更大，成交阻力擴大下，估計今月屋苑成交承接會較疏落。

 新界區21個屋苑暫時錄得750組準買家預約睇樓的邀約，數量按周亦減16.2%，其中沙田第一城、新港城、綠楊新村、嘉湖山莊及映灣園睇樓量下挫20%至25%不等。利嘉閣地產沙田第一城銀城分行（A組）聯席董事何家健指出，沙田第一城業主早已因應市況降低單位售價要求3%至5%，以求吸引準買家承接單位，不過，政策風險有增無減下，用家入市極具戒心，睇樓人流較出招前大減，估計11月屋苑市況勢將陷入膠著。

 至於港島區，9個指標屋苑僅有375組客戶在預約在周末睇樓，按周下跌15.7%，其中太古城、康怡花園、杏花村、藍灣半島及海怡半島睇樓量減少17%至23%。利嘉閣地產太古、康怡區助理區域董事黃龍智指出，太古城的成交量出招前後大相逕庭，用家入市心態明顯猶豫，屋苑的睇樓量及成交量分別急挫20%及40%，除非業主肯降低底線將單位造價調低5%至8%，否則屋苑上半月交投難望突破雙位數水平。