二手頻跳價 用家轉投一手懷抱 50屋苑周末預約睇樓量下跌3%

一手新盤大戰升溫，加入戰團湊熱鬧的新盤愈來愈多，凍結潛在二手購買力，加上二手跳價、破頂成交頻現，用家入市顧慮增多，睇樓興致減弱下，拖累指標屋苑周末預約睇樓客量反覆向下。根據利嘉閣地產研究部數據估算，全港50個指標屋苑僅有2,400組客戶預約周末參觀單位，較上周末減少3%，各路客源睇樓比例則與上周相若。

 按地區劃分，港島、九龍及新界三區指標屋苑預約睇樓量全面報跌，各區跌幅相若。數據顯示，新界區21個屋苑周末僅有945組準買家預約睇樓，按周減少3.6%，其中YOHO TOWN及映灣園睇樓量下挫18%及15%，反觀，沙田第一城、新港城及嘉湖山莊睇樓量則增加6%至8%。利嘉閣地產新北江第二分行市務經理梁志豪指出，受惠屯門區新盤熱賣刺激，嘉湖山莊成交量突飛猛進，今月首十天已錄得逾50宗成交，較上月同期激增逾倍，預計一手向隅客陸續有來，帶挈屋苑今周末睇樓量有增無減，按趨勢推算，屋苑今月成交量有望再次破百。

 九龍區20個指標屋苑僅有970組客戶預約在周末睇樓，按周下跌3.0%，其中黃埔花園、淘大花園、新都城及宇晴軒預約睇樓客減少6%至13%。利嘉閣地產黃埔二行分行（Ａ組）市務經理余美寶表示，隨著近周屋苑樓價急步攀升，買賣雙方角力愈見嚴重，加上賣盤短缺欠選擇，開價合符用家預算的盤源少之又少，導致屋苑睇樓人流明顯下跌，拖累屋苑買賣陷入膠著，預期屋苑全月買賣成交宗數最多只有40餘宗，屬正常偏低水平。

 港島區9個指標屋苑僅有485組客戶在預約在周末睇樓，按周減少2.0%，其中太古城、康怡花園及海怡半島睇樓量微減5%至8％。利嘉閣地產太古城第二分行經理鄭其昌指出，自上月底太古城二手成交爆增後，購買力消耗不少，加上賣盤補充不足，後勁不繼下平均每日成交僅「一宗起、兩宗止」，即使質素欠佳的單位呎價動輒逾萬，部分用家難以負擔，屋苑睇樓人流減少，相信屋苑短期內進賬應該不多。