盤缺價高難選擇 用家觀望減睇樓 50屋苑周末預約睇樓量高位回落3%

樓市近期表現火紅，各區樓價急速上揚，準買家追價乏力者愈來愈多；而且，二手業主心態頻頻反價、封盤，缺盤情況不斷惡化，拖累指標屋苑預約睇樓量從高位滑落。根據利嘉閣地產研究部數據估算，全港50個指標屋苑僅有2,705組客戶預約周末參觀單位，較上周末下跌3.0%，連升三周後首度回落。

 按地區劃分，樓價漲勢強勁的港島及九龍區，指標屋苑預約睇樓量報跌，反觀，樓價相對落後的新界區，屋苑預約睇樓量則報升。以九龍區為例，該區20個指標屋苑僅有1,045組客戶預約在周末睇樓，按周減少近6%，其中淘大花園及新都城預約睇樓客量各跌10%。利嘉閣地產淘大分行經理李焯基表示，淘大花園交吉盤嚴重短缺，加上單位造價持續飆升至逾7,000元水平，不願追價的準買家寧願轉往毗鄰得寶花園「尋寶」，令淘大花園睇樓人流減少，預期短期屋苑成交步伐必會放緩。

 港島區方面，港島區9個指標屋苑僅有545組客戶預約於周末睇樓，較上周末減少4.4%，其中藍灣半島及太古城睇樓量下跌25%及10%，反觀，康怡花園及城市花園睇樓人流則增加10%及13%。利嘉閣地產海怡半島（東翼）一行經理吳國華指出，海怡半島近月樓價猛漲，現時兩房入場費動輒逾500萬元，超出部分用家的入市預算，拖累今周屋苑睇樓量停止增加，估計屋苑熾熱的交投氣氛亦會逐步緩和下來，當中兩房成交尤其疏落。

 新界區21個屋苑周末共有1,115組準買家預約睇樓，較上周末微增0.9%，其中灝景灣、荃灣中心及映灣園睇樓客量增加13%至15%，表現較佳。利嘉閣地產映灣園二行分行經理關騰達指出，雖然近來映灣園樓價升勢強勁，但相比新界其他屋苑，造價始終較「低水」，加上東涌日後發展潛力被看好，仍然吸引用家擇居於此，帶挈睇樓的人客源源不絶，不過查價問盤增多的同時，業主反價勢力亦強勁，估計此舉料會影響屋苑短期內的二手交投。