| 雖然日前北角邨賣地成績遜於預期，但卻無損用家睇樓的心情，加上歐洲及內地「大放水」刺激下，按捺已久的用家信心開始增強，睇樓活動漸轉頻密，令致今周末指標屋苑預約睇樓量持續上升。根據利嘉閣地產研究部數據估算，全港50個指標屋苑共有2,560組客戶預約周末參觀單位，按周再增8%，連升兩周。客源方面，上車客睇樓興致持續提高，客源比例按周再增0.5個百分點至22.7%，但主要睇樓客量仍落在租客身上，所佔仍然高達31.5%。
港島、九龍及新界三區指標屋苑周末預約睇樓量全面報升，其中港島區升幅最為顯著。該區9個指標屋苑周末睇樓量共有560組客戶，按周增加9.8%，其中藍灣半島睇樓量急增33%，太古城、杏花村、城市花園及海怡半島睇樓量分別增加5%至10%。利嘉閣地產城市花園分行經理王承指出，前北角邨地皮以低價招標售出後，個別城市花園業主因應市況調低放盤開價，吸引少量用家前來睇樓，睇樓量按周反彈5％，相信短期內會有更多的業主跟隨減價，可為今月屋苑成交帶來刺激。
九龍區20個屋苑周末睇樓量共有1,020組，較上周末增加7.9%，其中黃埔花園及美孚新村睇樓量按周分別增加15%及10%，淘大花園及港灣豪庭睇樓人流卻只有單位數字增長。利嘉閣地產新都城二期分行經理張金強表示，雖然新都城今周睇樓量保持平穩，不過，相信新盤「峻瀅」仍然市場焦點所在，不少代理長時間駐兵促銷，無暇分身於二手市場，故料屋苑下半月成交量增幅不多。
新界區21個指標屋苑周末睇樓客戶共有980組，較上周末增加7.1%，沙田第一城及映灣園睇樓客量增加10%及15%，而新港城、YOHO TOWN及嘉湖山莊睇樓人數錄得5%至8%增幅。利嘉閣地產嘉湖銀座分行經理彭永佳指出，新政府揚言不壓樓市，買家虛怯心態逐漸消除，嘉湖山莊周末預約睇樓量再增8%；同時，準買家入市還價變得積極，拍板入市亦變得爽快，預期屋苑下半月二手買賣將更加頻密。
|
