股市動盪、新盤搶客 二手客源萎縮 50屋苑周末預約睇樓量減7% 連挫兩周

港股連日下瀉，累及市民帳面財富收縮，置業意欲普遍受挫，而且，二手業主議價依然「硬淨」，與準買家的「保守」還價出現高度分歧；另外，九龍區有一手項目在周末開售，亦推動部分二手用家轉投一手陣營，周末二手市場睇樓客量因此明顯減少。根據利嘉閣地產研究部數據估算，全港50個指標屋苑只有2,355組客戶預約在周末參觀單位，較上周末再跌7.1%，連跌兩周。

 港島、九龍及新界三區指標屋苑的周末預約睇樓量全面報跌。受新盤「喜雅」登場的九龍區，指標屋苑睇樓量跌幅尤其顯著。事實上，該區20個屋苑僅有1,010組準買家預約在周末睇樓，較上周銳減8.6%，其中昇悅居及泓景臺睇樓人數各減20%，黃埔花園、新都城及美孚新村睇樓量則減少8%至10%。利嘉閣地產泓景臺分行﹙A組﹚市務經理梁德盈表示，鑑於新盤「喜雅」開價較貼近同區四小龍屋苑造價，故吸引不少該區二手上車及換樓客前往揀選心水單位，導致同區泓景臺睇樓量按周銳減20%，相信客源轉移目標下，本月餘下日子屋苑成交應不會大幅進賬。

 新界區21個指標屋苑睇樓量僅有885組，較上周下跌6.8%，其中沙田第一城、沙田中心、新港城、嘉湖山莊及映灣園睇樓量分別減少5%至11%不等。利嘉閣地產栢慧豪園分行經理文家輝指出，觀望氣氛持續籠罩著新界西北的二手市場，加上近日的跌市令準買家的財富大大「縮水」，而且，嘉湖山莊樓價高踞不下，準買家議價、揀貨意欲不高，睇樓後「一拍即合」的成交更加少之又少，料屋苑未來一周交投進賬不多。

 港島區9個指標屋苑僅有460組客戶預約睇樓，較上周末減少4.2%，跌幅最輕微，其中太古城、康怡花園、藍灣半島、杏花村及海怡半島睇樓量各錄得約5%的減幅。利嘉閣地產海怡半島（東翼）一行分行經理吳國華指出，海怡半島賣盤短缺，而且，業主議價空間有限，市況欠佳下部分準買家「懶得」睇樓、還價，屋苑租售亦因此明顯轉慢，相信下周屋苑的交投氣氛仍然較為沉悶。