樓價跳升兼鬧盤荒 準買家暫歇睇樓 指標屋苑預約睇樓量連升5周後斷纜

二手「盤荒」愈鬧愈熾，加上二手市場頻現「破位」成交，準買家提價追貨漸感吃力，入市心態變得躊躇，缺乏選擇下部分準買家寧願暫歇睇樓，導致指標屋苑周末二手預約睇樓量從高位輕微回落。根據利嘉閣地產研究部數據估算，全港50個指標屋苑僅有3,195組客戶預約在本周末參觀單位，較上周末下跌1.5%，未能成功締造連升6周的旺勢。客源方面，樓價跳升下上車客褪軚個案較多，睇樓比例亦因而下滑1.2個百分點至24.8 %。

 按地區劃分，九龍及新界兩區周末預約睇樓量報跌，港島區睇樓量則持平。新界區21個指標屋苑周末僅有1,155組客戶預約睇樓，較上周減少2.5%，其中沙田第一城、新港城及嘉湖山莊睇樓客量減少3%至10%不等。利嘉閣地產馬鞍山中心分行聯席董事楊震霆指出，雖然新港城周末預約睇樓客仍多，但畢竟迎合預算的盤源不多，買賣雙方議價拉扯時間又拖長，買賣成交配對機會收窄，預期屋苑今月交投將會有所回落。

 九龍區20個屋苑僅有1,285組客戶預約睇樓，較上周末減少1.5%，美孚新村及黃埔花園睇樓量均減少5%，反觀，新都城及麗港城睇樓人流則增加6%及8%。利嘉閣地產麗港城分行﹙A組﹚經理陳維進表示，麗港城樓價走勢相對落後，吸引用家源源不絕支持，故此，屋苑今月首周仍錄20宗買賣，走勢不俗，今周末睇樓客量更增加8％，不過，業主開價開始逐步提升，議價空間又收窄至2％之內，雙方議價拉鋸角力明顯緊湊，相信屋苑交投下周再衝一輪後，月中以後成交步伐會放緩。

 港島區9個指標屋苑共有755組客戶在周末預約睇樓，睇樓客量與上周看齊，太古城及海怡半島睇樓量分別減少6%及5%。利嘉閣地產栢蕙苑二行分行經理楊家寶指出，現時康怡花園放盤有價有市，心頭高的業主亦不會降價沽貨，以「一口價」成事更加少之又少，雖然康怡花園睇樓客量與上周看齊，但近日掀起的提價潮令部分用家卻步，入市態度更為審慎，預期成交時間亦會拖長，相信屋苑下周交投進賬不多。