小陽春威力未減 買家睇樓人數有增無減 指標屋苑周末預約睇樓量再升2.5% 連升5周

雖然樓市小陽春已開始一個月，但威力久久未散，為二手市場不斷帶來正面能量，指標屋苑周末二手預約睇樓量繼續高升。根據利嘉閣地產研究部數據估算，全港50個指標屋苑共有3,465組客戶預約在本周末參觀單位，較上周末再升2.5%，連續第5個星期上升。客源方面，上車客意欲持續高漲，睇樓比例推高至26%的甚高水平，換樓客睇樓客源比例亦增加0.3個百分點至32.3%。

 按地區劃分，港島、九龍及新界三區周末預約睇樓量如常全面向上，其中九龍區20個屋苑共有1,360組客戶預約睇樓，較上周末上升3%，其中美孚新村、德福花園、麗港城及黃埔花園睇樓量增加5%至10%之間。利嘉閣地產美孚五期分行﹙A組﹚區域經理孔繁顯表示，美孚新村上月成為「破百」屋苑一員，基於業主是長情用家非常惜貨，故盤源補給速度較慢，缺盤問題開始初見，尚幸預約睇樓的準買家有增無減，加上心態積極普遍願意提價追貨，料屋苑下周交投可延續上月的旺勢。

 港島區9個指標屋苑共有860組客戶在周末預約睇樓，按周增加2.4%，康怡花園、海怡半島及藍灣半島睇樓量微增4%至6%不等，太古城及杏花村睇樓量則與上周看齊。利嘉閣地產太古城順安閣分行經理關浚而指出，上月旺市令業主再次心雄反價，雙方議價拉鋸情況明顯較前緊湊，預期成交時間將會拉長，相信屋苑今月交投未必能如二月般理想。

 新界區21個指標屋苑共有1,245組客戶預約睇樓，按周微增2%，其中沙田第一城、新港城、珀麗灣及映灣園睇樓客量錄得5%至10%的增長。利嘉閣地產沙田第一城銀城分行（Ａ組）聯席董事何家健指出，在上車及換樓需求持續強勁下，沙田第一城上月成交量以倍數彈升，令市場出現「貨源缺、叫價高、反價多」的形勢，再加上個別買家選擇封盤，盤量補給較正常緩慢，儘管買家置業及追價意欲未減，但相信屋苑月初交投會較為遜色。