樓市回春 二手購買力持續增強 指標屋苑周末預約睇樓量再升11.5%

樓市確認回春，加上港股今周顯著造好，恒指成功衝破並穩守250天牛熊分界線以上，預期牛市來臨，市民更加看好樓市未來發展，紛紛加快腳步入市揀貨，刺激周末二手預約睇樓量再次飆升。根據利嘉閣地產研究部數據估算，全港50個指標屋苑共有3,260組客戶預約在本周末參觀單位，較上周末再升11.5%，連續三周錄得雙位數增長，漲勢凌厲。客源方面，上車客意欲持續高漲，預約睇樓比例攀升至25%的甚高水平；反觀，不少業主趁旺市「轉租為賣」，租盤供應減少，租客睇樓比例因而下跌3.7個百分點至26.7%。

 按地區劃分，港島、九龍及新界三區周末預約睇樓量全面報升。新界區21個指標屋苑共有1,210組客戶預約在周末睇樓，按周增加13.6%，其中金獅花園睇樓量急增40%最厲害，沙田第一城、新港城、麗城花園及嘉湖山莊睇樓客量亦有雙位數增長。利嘉閣地產新北江分行經理葉瑋珩指出，近日嘉湖山莊交投大幅轉旺，引來不少區外客青睞，睇樓人流增加15%，而業主開始會「揀客」，叫價亦「硬淨」，加上部分業主趁旺勢「轉租為賣」，增加買賣盤源的競爭，然而，準用家仍不惜追價尋覓「心水戶」；由於屋苑成交量已超過80宗水平，在大批累積的購買力等待釋放下，估計屋苑全月成交量可輕易「破百」。

 九龍區20個屋苑共有1,290組客戶預約睇樓，較上周末增加10.3%，其中美孚新村睇樓人流急升50%最強勁，新都城、淘大花園、德福花園及黃埔花園睇樓量增加11%至20%之間。利嘉閣地產黃埔第二分行﹙B組﹚經理洪志杰表示，黃埔花園上半月交投暢旺，平價盤開始減少，尚幸用家仍願追價支持，料全月交投可達60宗。

 港島區9個指標屋苑共有760組客戶在周末預約睇樓，按周增加10.1%，藍灣半島睇樓量上升30%最厲害，太古城、康怡花園、南豐新村及海怡半島睇樓量增加14%至18%不等。利嘉閣地產藍灣半島分行經理武秉強指出，利淡因素消化後，樓市寒冬確認完結，加上藍灣半島造價近期顯著低水，吸引不少區內外買家追捧，今周睇樓人潮驟升30%，可望帶動屋苑未來一周成交大幅爆升。