假期將至 用家少外遊留港睇樓 50屋苑周末預約睇樓量再升4.7%

利淡消息漸被消化，加上一手攻勢近日稍見放緩，購買力回流二手市場發展，未有外遊離港的用家更積極把握良機到處睇樓，再次刺激今周指標屋苑睇樓量增加。根據利嘉閣地產研究部數據估算，全港50個指標屋苑共有2,335組客戶預約在本周末參觀單位，較上周末增加4.7%，兩周累升逾10%。客源方面，議價空間擴大令換樓客意欲明顯增加，睇樓比例較上周末微升0.6個百分點至33.6%。

 按地區分析，港島、九龍及新界三區周末二手睇樓量全面報升，其中港島區表現最標青，9個指標屋苑共有530組客戶預約在周末睇樓，較上周末增加6.0%，其中康怡花園、藍灣半島及海怡半島睇樓客量上升10%至25%，太古城睇樓量則持平。利嘉閣地產太古智星閣分行經理龔彥峰指出，今月一手樓盤主導大市發展，加上節日氣氛漸趨濃厚，二手市況淡靜亦人之常情，就算近日太古城業主肯放售一批優質盤，引來部分買家的青睞，惟屋苑整體睇樓量只能與上周看齊，未有再進，相信屋苑買賣步伐仍會緩慢，預計下周屋苑交投將繼續在單位數水平掙扎。

 九龍區20個指標屋苑共有1,040組客戶預約在周末睇樓，較上周末上升5.1%，其中麗港城睇樓量急升1倍，匯景花園、淘大花園及德福花園睇樓人流亦增加20%至25%不等。利嘉閣地產麗港城﹙A組﹚分行經理陳維進表示，一手新盤銷售接近尾聲，部分客源選擇留港到處睇樓，麗港城近日問盤查價顯著增多，睇樓量急升100%，相信屋苑成交將逐漸增多。

 新界區21個指標屋苑共有765組客戶預約在周末睇樓，按周增加3.4%，其中珀麗灣及銀禧花園睇樓量分別上升1倍及40%，沙田第一城、沙田中心及嘉湖山莊睇樓量增加10%至16%不等。利嘉閣地產嘉湖銀座分行﹙Ｂ組﹚經理彭永佳指出，業主議價態度軟化，買賣膠著情況有所改善，交投因此穩步上揚，不過，成交集中筍盤之上，整體成交呎價普遍較月前回落約5%。