業主議價空間擴大 部分客源回流二手市場 50指標屋苑周末預約睇樓量止跌回穩

今周樓市續吹淡風，歐債危機問題久未解決，股市跌勢未停，用家入市信心固然受到影響，不過，新盤不斷出籠推動換樓浪潮，加上業主因應市況擴大議價空間，牽動少量投資者及用家返回二手市場睇樓，貨比三家，帶挈指標屋苑二手睇樓量錄得增長。根據利嘉閣地產研究部數據估算，全港50個指標屋苑共有2,270組客戶預約在本周末參觀單位，較上周末微升0.9%。客源方面，受惠業主擴大議價空間沽貨，挑起個別上車用家的入市興趣，上車客睇樓比例較上周末增加0.7個百分點至21.2%。

 按地區分析，港島及九龍兩區預約睇樓量報升，新界區預約睇樓量則報跌。港島區9個指標屋苑共有465組客戶預約睇樓，較上周末增加4.5%，其中藍灣半島及海怡半島睇樓客量分別急升1倍至33%最厲害。利嘉閣地產太古城智星閣分行經理龔彥峰指出，向來「高高在上」的業主開始感受市場靜態，開始擴大議價空間沽貨，降價貨源增多下屋苑睇樓量開始回升，預計正面效應將會兩三周後的二手交投中顯現。

 九龍區20個指標屋苑周末共有1,065組客戶預約睇樓，較上周末微升0.5%，其中港灣豪庭及黃埔花園睇樓人流分別增加8%及7%；美孚新村預約睇樓量則持平。利嘉閣地產港灣豪庭分行市務經理衛啟銘表示，近日港灣豪庭睇樓人流漸多，周末客量較上周末上升8%，睇樓多時的客戶開始拍板入市，刺激屋苑交投突然大增，預計趨勢持續下，下旬成交可望陸續有來。

 新界區21個指標屋苑只有740組客戶預約在周末睇樓，按周微跌0.7%，其中沙田第一城及盈翠半島睇樓量分別下跌8%及10%。利嘉閣地產栢慧豪園分行經理文家輝指出，即使外圍經濟未好轉，然而，嘉湖山莊仍深得一班上車客歡心，屋苑睇樓客源維持不變，屋苑交投曾在中旬一度加快，惟近日歐債危機惡化及股市波動等因素纏繞，預期買家入市考量時間會較長，估計屋苑下旬交投增長又會再度轉慢。