長假後業主買家回港 釋放購買力 周末二手預約睇樓量再增6.2%

利嘉閣地產研究部指出，復活清明長假過後，業主買家外遊返港，累積購買力再獲釋放，進一步推高預約睇樓量。根據利嘉閣地產研究部數據所得，全港50個指標屋苑共有2,980組客戶預約在本周末睇樓，數量較上周末增加6.2%，數字連升兩周。

客源方面，市場擔心通脹重臨，刺激用家（上車客＋換樓客）偷步入市，購入房產作保值之用，令用家預約睇樓比重提升0.8個百分點至66.6%。

按地區分析，新界區屋苑表現最好，21個指標屋苑周末預約睇樓客量較上周上升9.5%，漲幅比整體（6.2%）為高，其中以沙田銀禧花園表現最佳，預約睇樓客量大增1.5倍至25組，至於沙田第一城及藍天海岸預約睇樓客量則分別上升17%及8%。近期走勢凌厲的龍頭屋苑嘉湖山莊，預約睇樓量再見突破，升幅達4%。利嘉閣地產嘉湖銀座分行高級經理黃景豪指出，天水圍區仍有不少造價二百萬以下的住宅單位，因此吸引不少上車客尋找置業機會，而客源中亦不乏新界東區業主，到天水圍區追落後，令本周六日嘉湖山莊睇樓量再升4%，預期買賣成交將可配合增加。

港島區9個指標屋苑的預約睇樓量增加8.1%，其中城市花園升幅最大，預約睇樓量按周上升33%至40組，杏花村則增加20%；不過，太古城預約睇樓量則倒跌8%。利嘉閣地產康怡（南座）分行高級經理施遠洋表示，復活清明長假期過後，不少區內業主外遊歸來，再度開放單位睇樓，令康怡花園睇樓量有所提升，不過，市場觀望南區新盤銷售反應，加上業主叫價企硬，預料康怡花園下周成交不會有太大增長。

九龍區20個屋苑的預約睇樓客量僅增加3.1%，多個屋苑如黃埔花園及美孚新村，睇樓量與上周相約；其中，匯景花園上升最多，預約睇樓量增加25%。利嘉閣地產君傲灣分行經理鄭健沐表示，近日樓市並無壞消息傳出，加上息口低企及通脹重臨利好因素仍在，用家買「磚頭」保值意欲明顯提升，令屋苑睇樓量以至成交量價穩步上升。