一手向隅客回歸 東涌勾地成功 復活、清明長假二手預約睇樓量漲6.7%

利嘉閣地產研究部指出，承接3月份旺勢，樓市氣氛持續高漲，加上東涌55b區勾地成功，以及一手盤向隅客回歸二手市場，為復活、清明長假期睇樓活動添注動力，刺激長假期間二手屋苑睇樓量止跌回升，一反往年逢假例淡的宿命。根據利嘉閣地產研究部數據所得，全港50個指標屋苑每日平均有1,426組客戶，預約在未來5天的復活節、清明節長假期當中睇樓，數量較上周末平均數字增加6.7%。

客源方面，由於東涌地皮成功勾出，加上一手盤高溢價正拉動二手樓價上升，形勢大利物業投資，故此，不少投資者便籍著長假期四出在各區搜尋貨源，令投資者預約睇樓比重因此再提升0.4個百分點至16.9%，比例連升兩周。不過，睇樓客中仍然以用家（上車客＋換樓客）居多，達65.8%，比例與上周相若。

按地區分析，港島區９個指標屋苑周末預約睇樓客量較上周上升8.7%，漲幅高於整體（6.7%），其中南豐新村日均預約睇樓客量增加27%至35組，增幅最大；龍頭屋苑太古城日均睇樓量亦增加10%。利嘉閣地產太古城順安閣分行經理鄭其昌指出，近日一手盤呎價進取，而太古城亦不乏呎價相若的放盤，吸引不少一手盤向隅客在長假期回流太古城揀選心頭好，因此太古城假期日均睇樓量上升10%。

九龍區20個指標屋苑的預約睇樓量增加7.1%，當中匯景花園預約睇樓量按周增長33%，升幅最大，維港灣亦有不俗表現，預約睇樓客量漲幅亦達22%。利嘉閣地產維港灣分行（A組）經理麥雄堅表示，一手盤為樓市增添活力，加快換樓流轉力，而奧運站物業造價與新盤比較，仍具吸引力，因此再度受用家追捧，估計奧運站屋苑4月二手成交量將保持暢旺，全月成交宗數估計可高企在100至120宗之間水平。

新界區21個屋苑的預約睇樓客增加4.7%，麗城花園的預約睇樓量增加17%，至於其他屋苑預約睇樓量則與上周相若。利嘉閣地產東涌分行高級經理李雪梅表示，復活、清明長假期間的確有不少業主和買家外遊祭祖及度假，令睇樓活動受影響，但自從東涌區有官地被成功勾出，推動外區準買家流入該區睇盤，更有同區業主打算多賣物業自用或投資，好淡因素相互抵銷，故此，龍頭屋苑映灣園預約睇樓數字仍可保持平穩。