50屋苑周末預約睇樓量減少7%

利嘉閣地產研究部指出，市場對樓市泡沫討論愈來愈激烈，準買家入市態度或多或少受到影響，市場觀望氣氛更見濃厚，周末二手睇樓量因此顯著減少。綜合利嘉閣地產分行網絡數據，全港50個指標屋苑僅錄2,125組客戶預約在本周末睇樓，較上月減少7%，數字連升三周後首度回落。客源比例變化不大，換樓客仍佔最多數，達33.5%，上車客佔27.4%，投資者及租客則分別佔19.2%及19.9%。

按地區分析，九龍區屋苑預約睇樓量跌勢最急，20個指標屋苑預約睇樓量減少9.3%，部份屋苑減幅超過10%，其中黃埔花園、維景灣畔、維港灣及美孚新村的預約睇樓量便分別減少10%至14%不等。利嘉閣地產都會駅第一分行經理郭煥然指出，維景灣畔周末預約睇量雖然減少10%，但近日準買家入市態度明顯較早前「實在」，不再停留「格價」階段，積極睇樓之餘亦積極還價，相信他們是希望趁目前市況偏軟以筍價入市，相信只要業主願意擴大議價空間，便可令買賣流轉回順。

新界區整體預約睇樓量減少6.6%，沙田第一城、灝景灣、麗城花園及藍天海岸周末預約睇樓量分別下跌5%至12%。利嘉閣地產大圍區域經理黃偉基表示，由於大圍區新盤尚未應市已成市場焦點，同區二手市場率先受惠，以金獅花園為例，本月至今已錄得超過30宗成交，平均成交呎價亦按月上升2.4%，最新報2,800餘元。由於不少投資者希望偷步入市博短線升值，令屋苑周末睇樓量保持暢旺，表現優於大市。

港島區整體預約睇樓客量較上周減少4%，減幅最溫和，太古城、康怡花園及城市花園的客量跌幅僅在10%以內。利嘉閣地產太古智星閣分行助理區域經理吳國良稱，太古城十月份表現明顯不及早前勇猛，至今僅錄得33宗成交，較上月同期減少18%，平均成交呎價亦按月急跌6%至7,260元。由於準買家觀望後市，還價幅度由3%加深至5至7%，令買賣交投膠著，相信業主需酌量調整叫價，方可吸引準買家入市。睇樓量方面，太古城本周睇樓量減少7%，當中換樓客佔45%。