50指標屋苑周末預約睇樓減5.4%

利嘉閣地產研究部指出，樓價升勢加劇，部份買家變得審慎，加上本周末天氣不穩，拖累睇樓量回軟。綜合利嘉閣地產分行網絡數據，全港50個指標屋苑錄得2,028組客戶預約在本周末睇樓，較上周顯著回落5.4%。客源比例方面，本周租客比例明顯明顯增加，由上周18.2%提高至21.9%，比例超越投資者的20%，而上車客及換樓客分別佔整體客量26.8%及31.3%。

按地區分析，港島區表現最失色，整體預約睇樓客量下挫10.4%，當中以藍灣半島表現最差，睇樓量大跌30%，其餘屋苑如太古城、南豐新村、鯉景灣及杏花村，睇樓量減幅介乎5%至9%之間。利嘉閣地產皇牌屋苑藍灣半島分行經理楊家寶稱，藍灣半島上月表現勇猛，成交多宗優質單位買賣，刺激平均成交呎價按月飆升4.9%至逾5,400元水平，與杏花村樓價差距收窄至不足8%，少數買家有感價放盤叫價偏貴，態度轉趨保守，導致屋苑本周末預約睇樓量大減30%。

九龍區20個指標屋苑預約睇樓量減少5.1%，麗港城、維景灣畔及美孚新村的預約睇樓量分別下跌8%至9%，黃埔花園及帝柏海灣的睇樓量則持平。利嘉閣地產紅磡海聯席董事趙文基指出，儘管本月樓市氣氛放緩，然而，海逸豪園及黃埔花園造價依然「低水」，較九龍區同級數物業造價低5%至10%，故此，不少區內外準買家仍被吸引參觀該區單位，兩大屋苑周末預約睇樓量仍可維持在60組及80組的中庸水平。

新界區睇樓量按周減少2.9%，減幅相對溫和，區內屋苑呈個別發展，沙田第一城及映灣園分別受投資者及租客追捧，睇樓量逆市大增23%及10%，不過沙田中心、碧堤半島及嘉湖山莊睇樓量卻回落6%至33%不等。利嘉閣地產沙田市中心高級區域經理徐子豪表示，9月份樓市氣氛放緩，沙田市中心區亦受到相當影響。新學年開始後，不少活躍市場的準買家，尤其是三人小家庭忙於為子女打點一切，暫停睇樓活動或開放單位予準買家參觀，早令睇樓客量有所減少，再加上目前市場缺乏造價合意的放盤選擇、周末馬季開鑼及天雨影響，削弱準買家的睇樓意欲。就以區內藍籌屋苑沙田中心及銀禧花園為例，本月至今僅錄零星買賣個案，而本周末預約睇樓客量更分別減少33%及40%。