豪宅新盤熱賣 二手買家入市意欲增強 50屋苑周末預約睇樓客量續升3.5%

利嘉閣地產研究部指出，豪宅新盤銷情理想，進一步催旺樓市氣氛，二手睇樓量亦因此持續增加。綜合利嘉閣地產分行網絡數據，全港50個指標屋苑共錄1,963組客戶預約在本周末睇樓，較上周增加3.5%，並已連升四周。客源比例方面，換樓客態度轉趨積極，比例高佔32.2%，較上周增加2.1個百分點。反觀，投資者、上車客及投資者分別回落0.4至1.1個百分點，比重分別約22%、24.8%及21%。

按地區分析，新界區二手睇樓量增加5.6%，表現最好，升勢亦較全面：沙田第一城、新港城、麗城花園、嘉湖山莊及藍天海岸睇樓量分別增加4%至9%不等。利嘉閣地產荃灣麗城3期分行助理區域經理羅逸愚表示，受惠港鐵西鐵九龍南延線通車，西鐵沿線地區睇樓量普遍上升，麗城花園與荃灣西站相距僅約十多分鐘步程，但亦受惠鐵路概念帶動，不少外區客在本周末預約睇樓，令屋苑周六日預約睇樓量增加5%，其中換樓客比例佔50%。麗城花園本月至今暫錄13宗成交，表現不算突出，但相信下半月買賣流轉將會加快，並以三房單位交投較活躍。

九龍區屋苑的預約睇樓量增加2.8%，當中以麗港城及新都城成績最突出，兩個屋苑預約睇樓量分別大幅增加17%及14%，黃埔花園亦錄4%增長；不過，維港灣及美孚新村卻逆市倒跌6%至11%。利嘉閣地產帝柏海灣分行助理區域經理馮樹勳指出，九龍站新盤成為大市焦點，毗鄰的奧運站市場難免受影響，再加上該區業主心雄，叫價「賣一間、升一間」，兼企硬叫價，幾乎沒有議價空間，準買家暫時未能適應，導致維港灣、帝柏海灣及柏景灣睇樓量分別減少6%至11%不等。

港島區方面，整體預約睇樓客量較上周輕微增加0.8%。各屋苑睇樓量呈個別發展，太古城、康怡花園及藍灣半島增加3%至7%不等，杏花村睇樓量持平，嘉亨灣卻減少8%。利嘉閣地產杏花村分行經理黃銳平稱，鐵路上蓋屋苑擁有交通方便的優勢，不乏捧場客，儘管杏花村平均成交呎價升至5,800元，買賣交投仍能保持上月步伐，本月至今暫錄15宗買賣。屋苑周末預約睇樓量與上周相若，當中用家比例達55%，上車客及換樓客分別佔25%及30%。