買家四出睇樓盼靜市執平貨 50屋苑預約睇樓量再升3.3%

近日港股大幅上揚，樓市氣氛亦受惠好轉，而且，樓價由高位累積相當跌幅，成功吸引一班希望「執平貨」的買家出動，情況初步反映在睇樓量之上。從利嘉閣地產研究部最新數據所得，全港50個指標屋苑共錄2,027組客戶於本周末預約睇樓，較上周增加3.3%，重越2,000組關口。睇樓客源比例亦出現明顯變化，由於樓價於過去一個月跌勢加劇，購入物業收租兼作長線投資的值博率明顯增高，投資者睇樓比例因此大幅提高2.7個百分點至16.9%。除此之外，換樓客亦趁機換馬，趕著低賣低買，換樓客佔睇樓客源比例維持逾32%水平。

若按地區分析，新界區整體預約睇樓量增加4%，升幅最高，部份屋苑如沙田第一城、麗城花園、嘉湖山莊及映灣園升幅均超過5%。利嘉閣地產皇牌屋苑嘉湖銀座分行經理黃景豪指出，嘉湖山莊大部份業主減價幅度在10%內，普遍較買家還價仍高出5%至8%，延長雙方議價過程外，亦使買家決定較慢，因此，本周屋苑睇樓量雖錄6%增幅，但相信周末市況仍然是「睇多過買」，成交量不會有顯著增長。

九龍區睇樓量增加3%，各個屋苑睇樓量增幅相若，其中黃埔花園、淘大花園、新都城及維港灣周末預約睇樓量較上月同期分別增加4%至10%不等。利嘉閣地產皇牌屋苑帝柏海灣分行助理區域經理馮樹勳表示，由於九龍站上蓋四個豪宅物業造價顯著回落，與奧運站樓價差幅大為收窄，部份原本打算在奧運站買樓的買家，在比較過兩個區物業後，選擇加碼升級進駐九龍站，導致奧運站客源流失，拖累該區7個主要屋苑10月份只有17宗二手買賣，成績強差人意。本周維港灣睇樓量雖然增加6%，但除非業主願意將減價幅度擴大至20%或以上，否則買賣交投將會繼續呈「睇樓多、還價少」的牛皮狀態。

港島區睇樓量增加2.7%，升幅最溫和，太古城、康怡花園及藍灣半島預約睇樓量分別增加4%及9%不等，嘉亨灣及杏花村則僅維持平穩。利嘉閣地產皇牌屋苑太古城區域經理黃龍智表示，由於太古城三房單位樓價下調速度較兩房單位快，成功吸引換樓客注視，三房成交增多，帶動屋苑10月份買賣交投按月增加約兩成至26宗，市況稍為好轉。睇樓量方面，太古城周六日預約睇樓量按月增加9%，其中佔40%為換樓客，另外租客比例亦由30%飆升至50%，估計是因為不少上車客擔心銀行估價不足的問題，寧暫時「棄買轉租」。