馬到金來樓市旺 歲晚團圓迎新春 50指標屋苑周末預約睇樓量按周跌8.2%
利嘉閣地產研究部主管陳海潮表示，年近歲晚，買賣雙方忙於迎接新年，亦有不少市民趁假期外遊或準備回鄉探親團圓，導致二手屋苑預約睇樓量受壓。不過，部分買家見樓市暢旺，擔心遲買會貴，料過年後睇樓及交投逐步恢復，迎接新一輪小陽春。根據利嘉閣地產研究部數據估算，全港50個指標屋苑共錄1,280組客戶於周末預約睇樓，較上周末的1,395組回落8.2%，繼早前連升六個周末後轉跌。
按地區劃分，港島、九龍及新界三區指標屋苑的周末預約睇樓量全線回落，其中港島區方面，8個指標屋苑本周末暫錄230組客戶預約睇樓，按周急跌13.2%。利嘉閣地產杏花邨分行聯席董事黃銳平表示，由於農曆新年將至，節日氣氛濃厚，本周末杏花邨預約睇樓量預計將稍為「縮水」。他續稱，在本年提早小陽春下買賣雙方積極應市。業主見市好心雄，有業主叫價較估價高3%至5%，亦有業主表示將封盤留新年後待價而沽；而買家方面，亦有追價接盤。他補充，財政預算案月尾出爐，相信有部分業主會稍作觀望，不急於放盤。
九龍區21個指標屋苑於周末暫錄470組客戶預約睇樓，按周減少8.7%。利嘉閣地產新西九龍豪宅(西九龍)分區董事郭永峰表示，在小陽春下本月美孚新邨的成交量保持不俗，暫錄15宗成交。他補充，現時市場看俏新年後市，買家擔心遲買會貴而加快拍板，甚至追價入市；而業主叫價硬淨，亦有個別反價，但普遍仍以貼近銀行估價為主。郭氏料本周末臨近歲晚，美孚新邨預約睇樓量大致相若，而新年後可更旺。
至於，新界區方面，21個指標屋苑於本周末暫錄580組客戶預約睇樓，按周減少5.7%。利嘉閣地產天水圍-嘉湖山莊分行經理蕭啟諾表示，目前業主叫價漸升，亦有臨場反價，而區內買家已開始接受樓價回升，部分買家置業意欲強勁，願意追價成交。他補充，不少買家趕於農曆新年前入市，支持本周末嘉湖山莊預約睇樓量保持平穩，相信在農曆新年過後，交投量可乘小陽春之勢再度上揚。
發稿：利嘉閣地產資料研究部
