防疫成常態 二手盤減價吸客 50指標屋苑週末預約睇樓量上升3.6%
利嘉閣地產研究部主管陳海潮表示，雖然近日確診數字增多，但防疫漸成常態，由於陸續有一手向隅客回流，加上二手業主普遍減價放盤，帶動周末屋苑預約睇樓量連升四周。根據利嘉閣地產研究部數據估算，全港50個指標屋苑共錄1,305組客戶於周末預約睇樓，按周上升3.6%，連升四個周末並創七周新高。市場本月觀望加息及防疫政策方向，若二手減價幅度可進一步增加，將帶動睇樓及交投穩步向好。
按地區劃分，港島、九龍及新界三區指標屋苑的周末預約睇樓量按周增加，其中以港島區的增幅最大，該區8個指標屋苑於周末暫錄215組客戶預約睇樓，按周增加7.5%。利嘉閣地產藍灣半島分行聯席董事武秉強表示，周末兩天藍灣半島預約睇樓量與上周末相若，現有不少業主願意減價，通常價格要較市價有6%至10%折讓才能獲得承接；八月全月屋苑錄得5宗買賣，按月增加25%，其中佔逾半是減幅較大、急走的移民盤，其次為換樓業主「平賣平買」。武秉強補充，雖然本港確診數字增加，但對有心搵樓的客人影響不大，亦有部分業主要求上門睇樓前先做快測。
新界區方面，21個指標屋苑本周末暫錄600組客戶預約睇樓，按周增加3.4%。利嘉閣地產元朗區高級分區董事黃永全指出，新界大型新盤推售暫告一段落後，不少向隅客回流二手，刺激YOHO Town周末預約睇樓量回升約兩成。黃永全稱，準買家在加息環境下暫時觀望，傾向先睇樓、等待「筍貨」釋出方出手接盤；雖然近日疫情反覆，但政府積極研究出入境檢疫措施，務求早日達至通關，長遠利好樓市。
至於，九龍區21個指標屋苑於本周末暫錄490組客戶預約睇樓，按周增加2.1%。利嘉閣地產新西九龍豪宅(奧運站)區域董事馮樹勳指出，奧運站一帶二手屋苑早前已消化一輪移民盤，雖然現時未見普遍業主進一步大幅劈價，不過多數業主都接受以「現實價」賣樓，當買家睇樓後議價，通常亦可提供3%至5%議價幅度。馮樹勳續指，買家方面由於氣氛未算明朗，入市態度較為「忍手」，加上新盤開售，令本周末預約睇樓量略減，交投較為膠著。
發稿：利嘉閣地產市場推廣、傳訊及研究部
