【北部都會區】房屋拓地

全城焦點「北部都會區」,會大範圍發展元朗區同北區,合共300平方公里,等於大約4個港島,預計俾約250萬人居住。

都會區邊啲地方會發展成住宅?今集就同大家講講「北部都會區」內,新嘅重點房屋規劃用地。

 

近期大家關心,有升值潛力嘅樓盤地段,唔少得洪水橋新發展區,呢到亦比「北部都會區」其他地方發展成熟。未來連接前海同香港嘅「港深西部鐵路」起好之後,附近一帶都會打造成新界北核心商務區。

 

洪水橋/廈村新發展區,就會經鐵路接駁到流浮山,流浮山至尖鼻咀一帶順理成章納入發展,預計新增約5萬3個單位。

流浮山、至上白泥到下白泥,呢一段欣賞香港日落嘅好去處,準備由自動捷運連接,估計沿線一帶,有潛力提供最多約萬8個單位。

北部都會區」重中之重,就喺新田將會發展成「科技城」,帶領都會區成為國際創科中心,估計佔地11平方公里,有4分一個維港咁大。政府預咗創科人才喺到工作同生活,開拓嘅土地提供約4萬6至4萬8個單位,仲可以飽覽「三寶樹濕地保育公園」嘅優美景觀。

 

古洞北新發展區,工程已經做得如火如荼。「北部都會區」發展計劃出爐之後,古洞北嘅東邊會再規劃改做房屋發展,連帶將古洞北邊嘅馬草壟農地納入發展區,估計又會多超過萬4個單位,再經新嘅連接路同北環綫接駁,同「港深創科園」緊密連繫!

 

羅湖同文錦渡一帶,將會引來翻天覆地嘅變化!絕對唔可以睇少佢嘅潛力,配合「北部都會區」發展,羅湖站及上水站之間會起新嘅羅湖南站,釋放出羅湖鐵路貨運場等鐵路用地,上水屠房、濾水廠等等都會研究搬走。羅湖南、文錦渡、老鼠嶺、華山,以鐵路帶動改劃成住宅,整體釋出嘅土地可以提供約8萬5個單位,規模大約有6個太古城!

 

北部都會區」整合之前,一直起緊樓,未來10年已經有約20萬個單位入伙,所有房屋用地加埋,長遠提供最多約93萬個單位。政府預告咗公私營房屋,供應目標至少維持7、3比。所以私人發展項目,都幾搶手㗎!

北部都會區」內嘅住宅,無論買嚟自住,抑或投資收租,都不容錯過!

 

想搶先一步,知道更多北部都會區嘅資訊,一定要留意利嘉閣網站!下載我哋利嘉閣真盤源APP,就可以早著先機喇!