【北部都會區】發展機遇重頭戲

「北部都會區」最近人人都講，但你又知唔知有咩發展機遇呢？

想了解香港未來廿年嘅發展重頭戲，就要留意我哋一連五集嘅特輯！

「北部都會區」就係由元朗區同北區組成嘅「北部經濟帶」，佔地大約3萬公頃，包括洪水橋、天水圍、元朗、粉嶺同上水，將會連接深圳，成為香港新嘅「經濟引擎」。

政府會喺呢度大力發展鐵路交通、創科商務同住宅用地，同時積極保育生態，締造戶外生態康樂同旅遊空間！

北部都會區，發展潛力無可限量！洪水橋、廈村同深圳前海合作區只係一灣之隔，佔盡發展做核心商務區嘅優勢；配合埋計劃興建嘅「港深西部鐵路」，連接洪水橋站到前海，以後返內地經商，話咁快就到！

跨境鐵路點止一條，仲有「北環綫支綫」，新田同落馬洲一帶，計劃變身成「港版矽谷」，整合口岸同漁塘等嘅用地之後，會改建做新田科技城、港深創科園同新田科技城，發展規模加埋預計有16.5個香港科學園！

到時人才交流、貨流、資金流實會好頻繁，計劃興建嘅「北環綫支綫」就幫到手！鐵路連接新田科技城、經港深創科園，直達新皇崗口岸，一地兩檢、跨境交通更加方便！

呢條「北環綫」，仲研究繼續向東延伸，由古洞站接駁羅湖同新界北新市鎮，完善嘅鐵路網絡，釋放更多土地發展潛力。

都會區商機處處，勢必帶動埋住屋同康樂需求。話到明要宜業宜居，政府會建立3個濕地保育公園，加埋現有嘅保護區、生態環境系統，橫跨整個北部都會區，保育我哋珍貴嘅自然環境。

北部都會區發展規模龐大，預計提供到大約91萬至93萬個住宅單位，未來會額外開拓大約600公頃用地，做住宅同產業用途，俾250萬人居住；加埋完善嘅鐵路網絡、商業基建配套，樓價一定會水漲船高！

黎緊幾集我哋仲會深入講下，北部都會區嘅各方面發展。想搶先一步，知道更多北部都會區嘅資訊，一定要留意利嘉閣網站！下載我哋利嘉閣真盤源APP，就可以早著先機喇！