資金態度積極 市場氣氛良好 50指標屋苑周末預約睇樓量六連升

利嘉閣地產研究部主管陳海潮表示，新冠疫情受控，限聚措施逐步鬆綁，周末預約睇樓量持續造好，反映市民入市意欲正在回升。然而，多個新盤登場應市，部分購買力流向一手市場，導致預約睇樓量按周升幅收窄。根據利嘉閣地產研究部數據估算，全港50個指標屋苑共錄1,450組客戶於周末預約睇樓，按周微升1.4%，連升六周，市場氣氛保持熾熱。

按地區劃分，全港三區指標屋苑的周末預約睇樓量兩升一跌，其中九龍區升幅較顯著，該區21個指標屋苑於周末暫錄595組客戶預約睇樓，按周上升4.4%。利嘉閣地產宇晴軒分行聯席董事李啟昌表示，新冠疫情緩和，買家重拾入市信心，主動出門查詢問盤，周末屋苑預約睇樓量造好。李啟昌指出，四小龍九月份暫錄10宗買賣，交投氣氛不俗，現時普遍業主提供約5%的議價空間，預期市況轉旺，二手的議幅將漸漸收窄。

港島區方面，8個指標屋苑於周末暫錄255組客戶預約睇樓，按周再增4.1%。利嘉閣地產嘉亨灣一行經理林敏指出，本港新冠疫情受控，市場氣氛轉好，買家出門睇樓意欲上升，惟區內二手筍盤買少見少，成交動力稍稍較慢。林敏又指，部分買家較為積極進取，不時出門睇樓「做定功課」，並等待平盤出現即時入市，反映整體市況仍不俗。

至於新界區21個指標屋苑本周末暫錄600組客戶預約睇樓，按周下跌2.4%。利嘉閣地產天盛分行經理蕭啟諾表示，自限聚令放寬後，區內二手交投氣氛穩步向好，即使近日業主稍為收窄議幅，但仍無阻有自住需要的上車客入市追捧，今個月屋苑暫錄約9宗買賣。然而，蕭啟諾指出，由於區內新盤Wetland Sea­sons Park 3期開放示範單位參觀，部分客源流入一手市場，故嘉湖山莊周末睇樓量受挫。

發稿：利嘉閣地產資料研究部