觀望氣氛濃厚 資金一動不如一靜 50指標屋苑週末預約睇樓量跌3.7%
利嘉閣地產研究部主管陳海潮表示，近日市場氣氛較淡，加上本港疫情高位徘徊，買家觀望心態濃厚，未敢昂然入市。而且，新盤登場吸走一定購買力，對二手亦造成壓力。根據利嘉閣地產研究部數據估算，全港50個指標屋苑共錄1,175組客戶於周末預約睇樓，按周下跌3.7%，跌至近20周低位。由於市場充斥較多利淡因素，資金一動不如一靜，故預計短期二手仍然難走出悶局。
按地區劃分，全港三區指標屋苑的周末預約睇樓量全線向下，其中以港島區的跌幅較多，該區，8個指標屋苑於周末暫錄195組客戶預約睇樓，按周下跌4.9%。利嘉閣地產藍灣半島分行聯席董事武秉強指出，受多個負面因素夾擊，藍灣半島二手市況持續低迷，七月份僅錄5宗買賣，而本月仍未開齋。武秉強指出，本港經濟復甦動力疲弱，同時面對息口有可能抽升，困擾不少買家入市決定，加上近日因政局緊張，個別買家憂慮「開戰」暫緩入市決定，導致周末屋苑預約睇樓量走弱。
新界區方面21個指標屋苑本周末暫錄530組客戶預約睇樓，按周下跌3.6%。利嘉閣地產天盛分行經理蕭啟諾指出，儘管息口上調逼在眉睫，加上本地疫情反彈至數千宗水平居高不下，惟市民早已習慣及適應市況變化，並未對整體樓市構成明顯衝擊。相反，新盤低開搶佔市場焦點，相信短期內二手買賣仍受一手推盤影響而表現淡靜，睇樓量維持低位橫行。蕭啟諾又指，二手業主態度開始軟化，願意加大議價空間吸引準買家接盤。
至於九龍區21個指標屋苑於本周末暫錄450組客戶預約睇樓，按周減少3.2%。利嘉閣地產淘大一行高級聯席董事鮑允中指出，淘大花園上個月僅錄4宗買賣，而今個月屋苑尚未錄得成交，二手市況十分淡靜。鮑允中表示，市場氣氛非常觀望，可說是買賣兩閒，即使業主願意降價，惟因供樓利率趨升，買家態度仍然審慎，加上新盤不斷搶客，料短期二手市況維持膠著悶局，而周末淘大花園預約睇樓量受壓。
發稿：利嘉閣地產資料研究部
