疫情未見降溫 觀望氣氛籠罩二手 50指標屋苑周末預約睇樓量再跌1.6%
利嘉閣地產研究部主管陳海潮表示，本地疫情仍未降溫，窒礙不少二手睇樓及買賣活動，市場氣氛傾向觀望，但由於個別業主願意擴大減幅，吸引部分較積極的用家出手執平貨，故周末屋苑預約睇樓量未有再進一步急挫。根據利嘉閣地產研究部數據估算，全港50個指標屋苑共錄945組客戶於周末預約睇樓，按周再跌1.6%。預計市場會慢慢適應及消化，當疫情轉穩時，二手實體睇樓量及成交將會反彈。
按地區劃分，全港三區指標屋苑的周末預約睇樓量兩跌一升，其中以港島區跌幅較多，該區8個指標屋苑於周末暫錄115組客戶預約睇樓，按周再跌8.0%。利嘉閣地產康怡區助理營業董事丁培鴻表示，本港疫情仍然嚴峻，不少賣家拒絕開門參觀，加上部分買家還價幅度深，業主索性封盤不賣，拖累周末康怡花園預約睇樓量下跌。 表示，今個月康怡花園暫時只有4宗買賣，交投相當淡靜，而部分業主心態仍然企硬，除非有更多減價放盤出現，否則估計下半個月屋苑買賣仍然淡靜。
至於，新界區21個指標屋苑本周末暫錄475組客戶預約睇樓，按周下跌2.1%。利嘉閣地產元朗區助理分區董事黃永全表示，在疫情影響之下，市況較為平靜，區內普遍業主願意減價5%吸引買家，個別減幅更高達10%，而不少用家亦打算趁低執平貨，所以區內仍有一定睇樓活動。黃永全表示，當疫情轉趨穩定，買賣雙方逐漸適應後，積壓的購買力將會釋放，預計下半個月區內二手買賣將慢慢回暖。
九龍區方面，21個指標屋苑於本周末暫錄355組客戶預約睇樓，按周回升1.4%。利嘉閣地產匯景分行首席聯席董事萬達人指出，雖然有部分業主願意降價，但情況並非一面倒，導致今個月麗港城交投疏落，暫時錄得6宗成交，而周末屋苑預約睇樓量平穩。萬達人指出，個別業主因準備移民，所以願意平價放售單位，但其他放盤未見跟隨明顯減價，導致最近市況頗為拉鋸。
發稿：利嘉閣地產資料研究部
