【北部都會區】創科商科

「南金融、北創科」

香港南邊嘅港島區，已經有世界一流嘅國際金融中心。

未來發展新方向，集中喺香港西北部嘅「北部都會區」，計劃建構國際創科中心，深港合作、配合創新科技大勢所趨。

發展前景無可限量，創造大量就業機會！

國際創科中心最矚目嘅焦點，莫過於「港版矽谷」- 新田科技城。預留用地千一公頃、規劃完善，保育同發展各佔大約一半土地，預計創造大約15萬個創科產業職位，形成研發、生產、投資、融資，同服務完整嘅一站式創科產業鏈。

新田科技城願景目光遠大，當中唔少土地預留咗做創科發展，原有嘅落馬洲管制站，搬去新皇崗口岸之後，釋放出已經平整好嘅土地，工程可以快速上馬！附近嘅魚塘同鄉郊土地，都可以用嚟做創科，加埋新田/落馬洲發展樞紐，做企業同科技園用地，同河套地區嘅港深創科園。未來新田科技城發展規模，相當於16.5個香港科學園咁大！

其實港深創科園第一期發展，已經進行得如火如荼。創科園優先發展6個創科領域，包括醫療科技、大數據及人工智能、機械人、新材料、微電子同金融科技，亦會聚焦生命健康領域嘅科研，同深方科創園區，互相呼應、共建共贏！

新田科技城交通網絡會大整合！之後將會成為港深口岸對接最密集嘅地方，往返兩地、4種方法、任君選擇。

新田科技城佔地廣闊，隨時準備好俾重要研發機構進駐，生產科研成果，有商機自然帶動住屋需求。單單喺新田科技城內，已經預咗提供到約4.6萬至4.8萬個住宅單位，當中部分可以用做創科企業同研究機構嘅「人才公寓」。

「北部都會區」定位清晰，發展計劃除了涵蓋北區，亦會釋放接壤邊境嘅元朗區土地，增加最多18.6萬伙住宅單位，加埋區內已有發展項目，預計最終住宅單位數目可以去到約93萬伙，容納約250萬人居住。

「北部都會區」，作為未來嘅國際創科中心，勢必吸引全球大量專業人士、創科人才搬入區內居住。新發展區內嘅物業，極有可能會成為「搶手貨」！

想搶先一步，知道更多北部都會區嘅資訊，一定要留意利嘉閣網站！下載我哋利嘉閣真盤源APP，就可以早著先機喇！