經濟逐步回暖 置業買樓信心增 50指標屋苑周末預約睇樓量連升兩周
利嘉閣地產研究部主管陳海潮表示，本港最新失業率跌0.5個百分點至5.5%，經濟逐步改善恢復，而樓價平穩向好，市民買樓置業意欲增強，周末預約睇樓客量連升兩周。根據利嘉閣地產研究部數據估算，全港50個指標屋苑共錄1,575組客戶於周末預約睇樓，按周再升1.6%，連升兩周。
按地區劃分，全港三區指標屋苑的周末預約睇樓量全線造好，其中以港島區升幅較多，該區8個指標屋苑於周末暫錄270組客戶預約睇樓，按周上升3.8%。利嘉閣地產逸樺園分行高級經理吳玉蘭表示，市場氣氛良好，買家入市心態轉趨積極，康怡花園近周交投步伐有所加快，今個月暫錄8宗買賣成交，表現不俗。吳玉蘭指出，市場上不乏等待入市的買家，部分於本周末出動覓盤，帶動預約睇樓量。然而，業主叫價企硬，導致雙方陷入拉鋸狀態，但估計當有成交出現，將有助推動其他持觀望態度的買家提速入市，刺激連串買賣。
九龍區方面，21個指標屋苑於本周末暫錄580組客戶預約睇樓，按周上升1.8%。利嘉閣地產調景嶺分行(A組)經理黃金欽指出，過去數月維景灣畔以兩房戶最為暢銷，呎價累錄不少升幅，惟三房造價原地踏步，導致兩者價錢差距逐漸收窄，吸引換樓客入市，屋苑本月至今已錄約30宗成交，比上月全月多6宗。黃金欽指出，利息持續低企，加上預期通關後樓價進一步攀升，故普遍買家入市態度積極，惟在旺市下盤源日漸短缺，市場選擇買少見少，本周末維景灣畔預約睇樓量按周減少。
至於新界區21個指標屋苑本周末暫錄725組客戶預約睇樓，按周微增0.7%。利嘉閣地產元朗區助理分區董事黃永全表示，Yoho Town本月暫錄約19宗成交，達至上月全月水平，而交投加快的主因是近月樓價升勢較集中於二、三線屋苑，推高區內整體樓價，故近日買家陸續回流大型屋苑追落後。黃永全指出，元朗區受惠於屯馬線通車帶動，加上有業主趁市旺沽出舊樓，並隨即轉投樓齡較新的二手屋苑，啟動區內換樓鏈，現時整體交投氣氛不俗，周末Yoho Town預約睇樓量大致平穩。
發稿：利嘉閣地產資料研究部
