節日氣氛濃 50屋苑新春預約睇樓跌 股樓牛氣沖天 迎長假後大反彈

利嘉閣地產研究部主管陳海潮表示，雖然今年農曆新年市民減少外遊，惟部分買家、業主難免要出門拜年過節，導致新春長假期二手屋苑預約睇樓量受壓。根據利嘉閣地產研究部數據估算，全港50個指標屋苑共錄1,080組客戶於周末預約睇樓，按周下挫28.0%，終止6連升，而四天長假則約有1,240組客戶。今年港股升勢強勁，市場憧憬中美兩國關係改善，買家情緒樂觀向好，加上多個新盤醞釀推出，相信新春長假期過後，市況將出現較大反彈動力。

按地區劃分，全港三區指標屋苑的周末預約睇樓量全線下跌，其中以港島區跌幅較顯著，該區8個指標屋苑於周末暫錄185組客戶預約睇樓，按周下瀉31.5%，而四天長假則約有210組客戶。利嘉閣地產逸樺園一行高級經理吳玉蘭表示，受惠股市今年表現理想，近日市場氣氛十分熾熱，買家態度亦較為積極，今個月暫錄得8宗成交。吳玉蘭指出，由於買家擔心遲買更貴，紛紛加緊腳步，甚至有個別客人要求大年初一睇樓，希望盡快入市。不過，始終節日氣氛較濃，大部分業主封盤暫停睇樓，長假期康怡花園睇樓量受壓，預期過年後市況將會很快恢復正常。

九龍區方面，21個指標屋苑於周末暫錄395組客戶預約睇樓，按周急跌27.5%，而四天長假則約有455組客戶。利嘉閣地產淘大一行高級聯席董事鮑允中表示，上月淘大花園買賣成交多達40宗，交投非常暢旺，但因盤源未及補充，導致今個月暫時僅得2宗成交。鮑允中指出，放盤量變得緊張，屋苑業主叫價亦轉趨硬淨，加上新春過節拜年因素影響，長假期屋苑預約睇樓量受挫。

至於，新界區21個指標屋苑本周末暫錄500組客戶預約睇樓，按周下跌27.0%，而四天長假則約有575組客戶。利嘉閣地產沙田第一城分行高級經理黃慶揚表示，雖然分行於初二啟市，但因大部分市民外出拜年過節關係，故長周末只錄得零星睇樓預約。黃慶揚指出，新盤百花齊放，預期假期後可望帶動二手交投氣氛，加上部分白居二向隅客陸續流入區內搵盤，料樓市小陽春可望延續至新春以後。

發稿：利嘉閣地產資料研究部